வயநாடு நிலச்சரிவில் பாதித்தவர்களுக்கு உதவ கேரள அரசுக்கு அழுத்தம்

வயநாடு நிலச்சரிவில் பாதிக்கப்பட்ட மக்களுக்கு உதவ கேரள அரசுக்கு காங்கிரஸ் தலைமையிலான ஐக்கிய ஜனநாயக முன்னணி (யுடிஎஃப்) அழுத்தம் கொடுக்க வேண்டும் என்று மக்களவை எதிர்க்கட்சித் தலைவர் ராகுல் காந்தி சனிக்கிழமை வலியுறுத்தினார்.

- 

மக்களவை இடைத்தேர்தலில் வெற்றி பெற்ற காங்கிரஸ் பொதுச் செயலர் பிரியங்கா காந்தியுடன் வயநாட்டில் மக்களைச் சந்தித்து நன்றி தெரிவித்த ராகுல் காந்தி இவ்வாறு கூறினார்.

வயநாடு தொகுதியின் முக்கம் பகுதியில் நடைபெற்ற கூட்டத்தில் பங்கேற்று ராகுல் காந்தி பேசியதாவது: வயநாடு நிலச்சரிவில் உயிரிழந்தவர்களுக்கு எனது அஞ்சலி. இத்துயரச் சம்பவத்தில் உறவினர்கள், உடைமைகளை இழந்தவர்களுக்கும் பாதிக்கப்பட்டவர்களுக்கு யுடிஎஃப் ஆதரவாக உடன் நிற்கிறது.