சென்னை உயர்நீதிமன்ற புதிய தலைமை நீதிபதி பதவியேற்பு

சென்னை உயர்நீதிமன்றத்தின் 34ஆவது தலைமை நீதிபதியாக கே.ஆர்.ஸ்ரீராம் வெள்ளிக்கிழமை பதவியேற்றுக் கொண்டார்.

- 

அவருக்கு ஆளுநர் ஆர்.என்.ரவி பதவிப் பிரமாணம் செய்து வைத்தார்.

சென்னை உயர்நீதிமன்றத் தலைமை நீதிபதியாகப் பதவி வகித்த எஸ்.வி.கங்காபுர்வாலா பணி ஓய்வு பெற்றதையடுத்து, மூத்த நீதிபதி ஆர்.மகாதேவன் பொறுப்பு தலைமை நீதிபதியாகப் பதவி வகித்துவந்தார். அவர் உச்ச நீதிமன்ற நீதிபதியாக நியமிக்கப்பட்டதும், சென்னை உயர்நீதிமன்றத்தின் பொறுப்பு தலைமை நீதிபதியாக கி.ருஷ்ணகுமார் நியமிக்கப்பட்டார்.

இந்நிலையில், மும்பை உயர்நீதிமன்றத்தில் மூத்த நீதிபதியாகப் பணியாற்றி வந்த கே.ஆர்.ஸ்ரீராமை சென்னை உயர்நீதிமன்ற புதிய தலைமை நீதிபதியாக நியமித்து குடியரசுத் தலைவர் திரௌபதி முர்மு உத்தரவிட்டார்.