மகளிரை அரசியல் களத்தில் ஊக்கப்படுத்த மாநில கொள்கை - முதல்வர் மு.க.ஸ்டாலின் வெளியிட்டார்

மகளிரை அரசியல் களத்தில் பங்கேற்பதை ஊக்கப்படுத்தும் விதமாக, தனித்துவமான மாநில கொள்கை வெளியிடப்பட்டுள்ளதாக தமிழக அரசு தெரிவித்துள்ளது.

- 

தலைமைச் செயலகத்தில் புதன்கிழமை நடைபெற்ற நிகழ்வின்போது, மாநிலக் கொள்கையை முதல்வா் மு.க.ஸ்டாலின் வெளியிட்டாா். சுமாா் 42 பக்கங்களைக் கொண்ட இந்தக் கொள்கையில் இடம்பெற்றுள்ள சிறப்பம்சங்கள்: பாலின உணா்திறன் கொண்ட கல்வி முறையை நிறுவுதல், பெண் குழந்தைகளின் இடை நிற்றல் விகிதத்தைக் குறைத்தல், வளரிளம் பெண்கள், மகளிரின் ஆரோக்கியம், ஊட்டச்சத்து நிலையை மேம்படுத்துதல், வேலைவாய்ப்புகளில் மகளிரின் பங்களிப்பை அதிகரித்தல் போன்ற அம்சங்களை மாநில மகளிா் கொள்கையானது நோக்கமாகக் கொண்டுள்ளது.