இந்தியாவின் கட்டுப்பாட்டில் ராஜ்கோட் டெஸ்ட்

இங்கிலாந்துக்கு எதிரான 3-ஆவது டெஸ்டடில் இந்தியா 322 ரன்கள் முன்னிலையுடன் ஆதிக்கம் செலுத்துகிறது. 2-ஆவது இன்னிங்ஸில், இளம் வீரர் யஷஸ்வி ஜெய்ஸ்வால் அருமையாக சதமடித்து அணிக்கு பலம் சேர்த்துள்ளார்.

- 

அரைசதம் கடந்து ஷுப்மன் கில்லும் நிலைக்கிறார்.

முன்னதாக இங்கிலாந்து முதல் இன்னிங்ஸில் 319 ரன்களுக்கு ஆட்டமிழந்தது. அந்த அணியை கட்டுப்படுத்தியதில் முகமது சிராஜ் முக்கியப் பங்காற்றினார். குல்தீப் யாதவ், ரவீந்திரஜடேஜா அவருக்குத் துணை புரிந்தனர்.

ராஜ்கோட்டில் கடந்த 15ஆம் தேதி தொடங்கிய ஆட்டத் தில் முதலில் பேட் செய்த இந்தியா, 445 ரன்கள் குவித்து முதல் இன்னிங்ஸில் ஆட்டமிழந்தது. தொடர்ந்து தனது இன்னிங்ஸை தொடங்கிய இங்கிலாந்து, 2-ஆம் நாளான வெள்ளிக்கிழமை முடிவில் 2 விக்கெட்டுகள் இழப்புக்கு 207 ரன்கள் சேர்த்திருந்தது.