அமலாக்கத் துறை அதிகாரி கைது வழக்கை சிபிஐ-க்கு மாற்றக் கோரிய மனு தள்ளுபடி

அமலாக்கத் துறை அதி காரி லஞ்சம் பெற்ற வழக்கின் விசார ணையை சிபிஐ-க்கு மாற்றக் கோரிய மனுவை சென்னை உயர்நீதிமன்றம் மதுரைக்கிளை வெள்ளிக்கிழமை தள்ளுபடி செய்தது.

- 

மதுரை மாவட்டம், மேலூரைச் சேர்ந்த வழக்குரைஞர் விவேக் தாக்கல் செய்த மனு: அமலாக்கத் துறையை பழிவாங்கும் நடவடிக்கையாக கடந்த 1-ஆம் தேதி திண்டுக்கல் அரசு மருத்துவர் சுரேஷ் பாபுவிடம் லஞ்சம் பெற்றதாக அத்துறையின் மதுரை மண்டல அதிகாரி அங்கித் திவாரியை தமிழக ஊழல் தடுப்பு, கண்காணிப்புப் பிரிவு போலீஸார் கைது செய்தனர். இது சட்டத்துக்குப் புறம்பானது.

மாநில அரசின் கட்டுப்பாட்டில் இல்லாத மத்திய அமலாக்கத் துறை அதிகாரி மீது நடவடிக்கை எடுக்க முடியாது. இந்த விசாரணையை மாநில அரசு மேற்கொண்டால் நியாயமான நடைபெறாது. எனவே, விசா ரணையை சிபிஐ-க்கு மாற்ற வேண்டும். அதுவரை இந்த வழக்கு விசார ணைக்கு தடை விதிக்க வேண்டும்.

விதிகளை மீறி தவறு செய்த அதிகாரிகள் மீது நடவடிக்கை எடுக்க உத்தர விட வேண்டும் என அவர் கோரியிருந்தார். இந்த மனு உயர்நீதிமன்ற நீதிபதிகள் எம். சுந்தர், சக்திவேல் ஆகியோர் அடங்கிய அமர்வு முன் வெள்ளிக்கிழமை விசாரணைக்கு வந்தது.