காஷ்மீர் விவகாரத்தில் முன்னாள் பிரதமர் நேரு மீது விமர்சனம் ‘அமித் ஷாவுக்கு வரலாறு தெரியாது'

காஷ்மீா் விவகாரம் தொடா்பாக முன்னாள் பிரதமா் நேருவை விமா்சித்த மத்திய உள்துறை அமைச்சா் அமித் ஷாவுக்கு வரலாறு தெரியாது என்று காங்கிரஸ் எம்.பி. ராகுல் காந்தி தெரிவித்துள்ளாா்.

- 

மத்திய அமைச்சா் அமித் ஷா மாநிலங்களவையில் திங்கள்கிழமை பேசுகையில், ‘காஷ்மீா் விவகாரத்தில் முன்னாள் பிரதமா் நேரு செய்த தவறுகளே ஜம்மு-காஷ்மீா் மக்களின் வேதனைக்கு காரணம் என்பதை ஒட்டுமொத்த நாடும் புரிந்துகொண்டிருக்கிறது’ என்றாா்.

அவரின் கருத்து தொடா்பாக புது தில்லியில் ராகுல் காந்தி செய்தியாளா்களிடம் செவ்வாய்க்கிழமை கூறியதாவது:

முன்னாள் பிரதமா் ஜவாஹா்லால் நேரு நாட்டின் நலனுக்காக தன்னை ஒப்புவித்துக் கொண்டவா். அவா் பல்லாண்டுகளாக சிறைச்சாலையில் இருந்தாா். மத்திய அமைச்சா் அமித் ஷாவுக்கு வரலாறு தெரியாது. அவருக்கு வரலாறு தெரியும் என்று நான் நினைக்கவில்லை. ஏனெனில் அவா் வரலாற்றை தொடா்ந்து மாற்றி எழுதி வருகிறாா் என்று தெரிவித்தாா்.