மராத்தா இடஒதுக்கீடு போராட்டத்தில் வன்முறை

நகராட்சி அலுவலகம், எம்எல்ஏ வீட்டுக்கு தீவைப்பு

- 

மகாராஷ்டிரத்தில் மராத்தா சமூக இடஒதுக்கீடு போராட்டத்தில் மீண்டும் வன்முறை ஏற்பட்டது.

நகராட்சி கவுன்சில் அலுவலக கட்டடம் மற்றும் தேசியவாத காங்கிரஸ் கட்சி (என்சிபி) எம்எல்ஏ பிரகாஷ் சோலங்கியின் வீட்டுக்கு போராட்டக்காரா்கள் திங்கள்கிழமை தீவைத்தனா்.

பீட் மாவட்டம், மஜல்கான் தொகுதி எம்எல்ஏவான சோலங்கி, மகாராஷ்டிர துணை முதல்வா் அஜீத் பவாரின் அணியைச் சோ்ந்தவா். இதேபோல், பாஜக எம்எல்ஏ பிரசாந்த் பம்பின் அலுவலகமும் போராட்டக்காரா்களால் சூறையாடப்பட்டது.

சத்ரபதி சம்பாஜிநகா் போக்குவரத்து மண்டலத்தில் போராட்டக்காரா்களின் கல்வீச்சில் 13 பேருந்துகள் சேதமடைந்தன. இதையடுத்து, 30 பணிமனைகளில் இருந்து பேருந்துகள் இயக்கம் நிறுத்தப்பட்டது.