நலம் காக்கும் ஸ்டாலின் திட்டம் தொடங்கப்பட்டது

கல்வியும், மருத்துவமும் நி.மு.க. அரசின் இரு கண்கள்

- 

நலம் காக்கும் ஸ்டாலின் திட்டத்தை முதல் அமைச்சர் மு.க. ஸ்டாலின் நேற்று சென்னையில் தொடங்கி வைத்தார். இந்த விழாவில் மு.க. ஸ்டாலின் பேசுகையில், " கல்வியும், மருத்துவமும் தி.மு.க. அரசின் இரு கண்கள்” என குறிப்பிட்டார்.

தமிழ்நாடு முதலமைச்சர் மு.க. ஸ்டாலின் நேற்று (2.8.2025) மருத்துவம் மற்றும் மக்கள் நல்வாழ்வுத் துறை சார்பில் சென்னை, சாந்தோம், செயின்ட் பீட்ஸ் ஆங்கிலோ இந்தியன் மேல்நிலைப் பள்ளி வளாகத்தில், தமிழ்நாட்டின் அனைத்து மாவட்டங்களிலும் "நலம் காக்கும் ஸ்டாலின்" சிறப்பு மருத்துவ முகாமினை தொடங்கி வைத்தார். இவ்விழாவில் துணை முதலமைச்சர் உதயநிதி ஸ்டாலின், மருத்துவம் மற்றும் மக்கள் நல்வாழ்வுத் துறை அமைச்சர் மா. சுப்பிரமணியன், இந்து சமய அறநிலையத் துறை அமைச்சர் பி.கே. சேகர் பாபு, பெருநகர சென்னை மாநகராட்சி மேயர் ஆர். பிரியா, சட்டமன்ற உறுப்பினர் த.வேலு உள்ளிட்ட சட்டமன்ற உறுப்பினர்கள், துணை மேயர் மு.மகேஷ் குமார், தலைமைச் செயலாளர் நா. முருகானந்தம், மருத்துவம் மற்றும் மக்கள் நல்வாழ்வுத் துறை முதன்மைச் செயலாளர் ப. செந்தில்குமார், பெருநகர சென்னை மாநகராட்சி ஆணையர் ஜெ. குமரகுருபரன், தேசிய நலவாழ்வு குழும இயக்குநர் மரு.அ.அருண் தம்புராஜ், உள்ளாட்சி அமைப்புகளின் பிரதிநிதிகள் மற்றும் அரசு உயர் அலுவலர்கள் கலந்து கொண்டனர்.