ஆபரேஷன் சிந்து மூலம்: முதன்முறையாக இஸ்ரேலில் இருந்து 161 இந்தியர்கள் மீட்பு

ஈரான் அணு ஆயுத தயாரிப்பில் ஈடுபட்டு இருப்பதாக குற்றம் சாட்டி அந்த நாடு மீது கடந்த 13-ந்தேதி இஸ்ரேல் தாக்குதல் நடத்தியது. பதிலுக்கு ஈரானும் தாக்குதல் நடத்தி வருகிறது. இரு நாடுகளுக்கு இடையே ஏற்பட்டுள்ள இந்த போரால் அந்த நாடுகளில் வசிக்கும் பிற நாட்டுமக்கள் அச்சம் அடைந்து உள்ளனர். அவர்களை அந்தந்த நாடுகள் மீட்டு வருகின்றன.

- 

இந்த வகையில் இந்தியாவும் நடவடிக்கை எடுத்து வருகிறது. இந்தியர்களை மீட்டு வரும் நடவடிக்கைக்கு ஆபரேஷன் சிந்து என பெயரிடப்பட்டு உள்ளது. இந்த நடவடிக்கையில் முதல் விமானம் ஈரானில் இருந்து 110 இந்தியர்களுடன் கடந்த 19-ந்தேதி டெல்லி வந்தது. இதனைத்தொடர்ந்து அடுத்தடுத்து அங்கிருந்து விமானங்கள் வந்தன. 290 பேர், 311 பேர், 280 பேர் என இந்திய பயணிகள் வந்தனர். கடைசியாக ஞாயிறு அன்று வந்த விமானத்தில் 28 பயணிகள் வந்தார்கள். இவர்களோடு இந்தியா திரும்பிய பயணிகளின் மொத்த எண்ணிக்கை 1,713 ஆனதாக வெளியுறவு செய்தி தொடர்பாளர் ரந்தீப் ஜெய்ஸ்வால் தெரிவித்தார்.