കുട്ടികളിലെ കാൻസർ ചികിത്സ എങ്ങനെ

 കുട്ടികളിൽ കണ്ടുവരുന്ന കാൻസറുകൾ മുതിർന്നവരിൽ കണ്ടുവരുന്നവയെ അപേക്ഷിച്ച് വളരെ വ്യത്യസ്തമാണ്. ചികിത്സാരീതികളിലുമുണ്ട് അതിന് അനുസരിച്ചുള്ള പ്രത്യേകതകൾ

- ഡോ.കെ.ജി.ഗോപകുമാർ 

കുട്ടികളിൽ കാൻസർ ചികിത്സ വിജയം നേടുന്നതിൽ എത്രത്തോളം മുന്നേറ്റമുണ്ടായിട്ടുണ്ട്?

കുട്ടികളിൽ കണ്ടുവരുന്ന ഭൂരിഭാഗം കാൻസറുകൾക്കെതിരേയും ശാസ്ത്രീയമായ ചികിത്സയിലൂടെ വിജയം കൈവരിക്കാവുന്നതാണ്. പണ്ട് ചികിത്സയില്ലാതിരുന്ന പല കാൻസറുകളെയും പുതിയ കണ്ടുപിടുത്തങ്ങളുടെയും ഗവേഷണങ്ങളുടെയും ഫലമായി, ഇപ്പോൾ ചികിത്സിച്ച് ഭേദമാക്കാവുന്നതാണ്. കുട്ടികളിൽ കണ്ടുവരുന്ന രക്താർബുദം, വൃക്കയെ ബാധിക്കുന്ന നെഫ്രോബ്ലാസ്റ്റോമ, കഴലകളെ ബാധിക്കുന്ന ഹോജകിൻ (Hodgkin's Lymphoma) മുതലായ കാൻസറുകളിൽ വിജയ സാധ്യത 90 ശതമാനത്തിലും മുകളിലെത്തിയിട്ടുണ്ട്. ഇതിന് പ്രധാനകാരണം, ഈ മേഖലയിൽ ലോകമെമ്പാടും നടന്നുവരുന്ന ഗവേഷണങ്ങളും അവയുടെ കണ്ടെത്തലുകളുമാണ്. അനുബന്ധ(അത്വാഹിത/തീവ്രപരിചരണ സേവനങ്ങളിൽ നൈപുണ്യവും അതിജീവനം മെച്ചപ്പെടുത്തുന്നതിൽ വലിയ പങ്കുവഹിച്ചിട്ടുണ്ട്. കുട്ടികളിലും കൗമാരക്കാർക്കിടയിലും കാൻസർമൂലമുള്ള മരണനിരക്ക്1980-കളെ അപേക്ഷിച്ച് 50 ശതമാനത്തിലധികം കുറയ്ക്കാൻ സാധിച്ചിട്ടുണ്ട്. കുട്ടികളിലെ കാൻസർ ചികിത്സയിൽ കൈവരിച്ചിട്ടുള്ള നേടിയെടുക്കാവുന്ന വിജയം പക്ഷേ, ലോകമെമ്പാടും വളരെ വ്യത്യസ്തമാണ്. പാശ്ചാത്യരാജ്യങ്ങൾ കൈവരിച്ചുവരുന്ന വിജയം പലകാരണങ്ങളാൽ വികസ്വര രാജ്യങ്ങളിൽ നേടാൻ സാധിച്ചിട്ടില്ല. അതേസമയം ലോകത്തിൽ കാൻസർ ബാധിച്ച ഏകദേശം 75 ശതമാനം കുട്ടികളുള്ളത് വികസ്വരരാജ്യങ്ങളിലാണുതാനും. ഇതിൽ പകുതിയോളം കുട്ടികൾ പക്ഷേ, അസുഖം നിർണയിക്കുന്നതിനുമുൻപേ തന്നെ മരണപ്പെടുന്നു. നമ്മുടെ രാജ്യത്ത് കാൻസർ ചികിത്സ യിൽ ഉന്നതവിജയം കൈവ രിക്കാൻ ഇനിയും ബഹുദൂരം സഞ്ചരിക്കേണ്ടിയിരിക്കുന്നു. മെച്ചപ്പെട്ട രോഗനിർണയ സൗകര്യങ്ങൾ, പൊതുജനങ്ങളിൽ കാൻസറിനെക്കുറിച്ചുള്ള അവബോധം, സർക്കാരിൽ നിന്നുള്ള സാമ്പത്തികസഹായം, എൻ.ജി.ഒ.കളുടെ പങ്കാളിത്തം, മെച്ചപ്പെട്ട ഗവേഷണസൗകര്യങ്ങൾ മുതലായവ കാൻസറിനെതിരേയുള്ള യുദ്ധത്തിൽ വിജയം സുനിശ്ചിതമാക്കാൻ സഹായിക്കും.

കാൻസർ ചികിത്സയിലുള്ള കുട്ടികൾക്ക് സാധാരണയുള്ള മറ്റ് പ്രതിരോധ കുത്തിവെപ്പുകളെടുക്കാമോ?