വെടിയൊച്ചകൾക്ക് നടുവിൽ

“മിസ്റ്റർ സെക്യൂരിറ്റി', 'ക്രൈം മിനിസ്റ്റർ എന്നീ വിശേഷണങ്ങൾക്കും വിമർശനങ്ങൾക്കും നടുവിൽ ബെന്യാമിൻ നെതന്യാഹു

- ശ്വേത എസ്.നായർ

ഇസ്രായേൽ പ്രധാനമന്ത്രി പദത്തിൽ നീണ്ട കാലഘട്ടത്തോളം നിലകൊണ്ടു ലോകരാഷ്ട്രീയത്തിൽ നിർണായക ശക്തികേന്ദ്രമായി മാറിയ ബെന്യാമിൻ നെതന്യാഹു, ഇസ്രയേൽ - ഇറാൻ ഏറ്റുമുട്ടലിന്റെ പശ്ചാത്തലത്തിൽ വീണ്ടും വാർത്തകളിൽ നിറയുകയാണ്. ഇറാനിയൻ ആണവകേന്ദ്രങ്ങളെ ലക്ഷ്യമാക്കി ജൂൺ 13ന് ഇസ്രയേൽ ആക്രമണപരമ്പര ആരംഭിച്ചിരുന്നു. ഇസ്രയേലും പലസ്തീനും തമ്മിൽ അരങ്ങേറുന്ന സംഘർഷത്തിനിടെയാണിത്. 2023 ഒക്ടോബറിലെ ഹമാസ് ആക്രമണത്തെത്തുടർന്ന് ഇസ്രയേൽ തുടർച്ചയായ തിരിച്ചടി തുടരുന്നതിനിടെയാണ് ഇറാനുമായുള്ള സംഘർഷം. ഗാസയിലെ ജനങ്ങൾ നേരിടുന്ന ദുരിതവും മനുഷ്യാവകാശ ലംഘനങ്ങളും ഇസ്രയേലിനും നെതന്യാഹുവിനുമെതിരെ രാജ്യാന്തരതലത്തിൽ ഏറെ വിമർശനങ്ങളും ഉയർത്തുന്നുണ്ട്. എന്നാൽ, ഹമാസ് ആയുധം താഴെ വയ്ക്കുകയും ബന്ദികളെ മോചിപ്പിക്കുകയും ചെയ്താൽ യുദ്ധം അവസാനിപ്പിക്കാമെന്നാണു നെതന്യാഹുവിന്റെ വാദം.

പട്ടാളത്തിൽ നിന്നു രാഷ്ട്രീയത്തിൽ