You Tuber പ്രൊഫഷണലല്ല പാഷനാണ്

മിറാക്കിൾ ബ്യൂട്ടി വ്ളോഗ്സ് കുഞ്ഞാറ്റയുടെയും ഇച്ചായന്റെയും ജീവിതത്തിൽ വെളിച്ചമായി

- ബിന്ദു. പി.പി

ജിസ്ബി, അമൽ എന്ന പേരുകേട്ടാൽ ഒരു പക്ഷേ ആർക്കും അത്ര പെട്ടെന്ന് മനസ്സിലാവില്ലായിരിക്കാം. എന്നാൽ കുഞ്ഞാറ്റയും ഇച്ചായനും എന്ന് പറഞ്ഞാൽ കേൾക്കുന്നവർക്ക് ഇത് നമ്മുടെ സ്വന്തം ആൾക്കാർ അല്ലെന്ന് തോന്നി പോകും. വർഷങ്ങൾക്ക് മുൻപ് ജിസ്ബി തന്റെ സന്തോഷത്തിന് വേണ്ടി തുടങ്ങിയ മിറാക്കിൾ ബ്യൂട്ടി വളോഗ്സ് ഇന്ന് ജിസ്ബിയുടെയും അമലിന്റെയും ഒപ്പം കുഞ്ഞുമിക്കുവിന്റെയും ജീവിതത്തിൽ മിറാക്കിളായി മാറിയിരിക്കുകയാണ്. പല നെഗറ്റീവിറ്റികളെയും തരണം ചെയ്ത് കുഞ്ഞാറ്റയും ഇച്ചായനും എന്ന കപ്പിൾ വ്ളോഗേഴ്സ് ഇന്ന് സോഷ്യൽമീഡിയ താരങ്ങളാണ്. യൂട്യൂബിൽ നിന്ന് തങ്ങൾക്ക് വലിയ ചെറിയ സന്തോഷങ്ങൾ കെട്ടിപ്പടുത്തതിനൊപ്പം ഒന്നും ശാശ്വതമല്ലെന്നാണ് ജിസ്ബി പറയുന്നത്. യൂ ട്യൂബർ എന്ന പദവി ഏതുനിമിഷം വേണമെങ്കിലും നമ്മുടെ ജീവിതത്തിൽനിന്ന് എടുത്തുമാറ്റാൻ സാധ്യതയുണ്ട്. അതുകൊണ്ട് യൂട്യൂബിനെ ഒരു സൈഡ് വരുമാനമായും ഒപ്പം നിങ്ങൾ പഠിച്ച് ഒരു ജോലി നേടിയെടുക്കണം എന്നും പറഞ്ഞുകൊണ്ട് ജിസ്ബി സംസാരിച്ചു തുടങ്ങി.

മിറാക്കിൾ സംഭവിക്കാവുന്നതാണ്