ശത്രുവിനെ മിത്രമായി കാണുന്ന മനസ്സിന്റെ പാകപ്പെടൽ

നൂറ്റാണ്ടുകൾക്ക് മുമ്പ് ശൈവ വൈഷ്ണവ ഭക്തന്മാർ തമ്മിൽ ഏറ്റുമുട്ടലുകളും പ്രശ്നങ്ങളും പതിവായിരുന്നു

- സംഗീത മധു

നൂറ്റാണ്ടുകൾക്ക് മുമ്പ് ശൈവ വൈഷ്ണവ ഭക്തന്മാർ തമ്മിൽ ഏറ്റുമുട്ടലുകളും പ്രശ്നങ്ങളും പതിവായിരുന്നു. അങ്ങനൊരു കാലത്ത് ഭരണകർത്താക്കളുടെ ഇംഗിതത്തിനും അഭിരുചിക്കുമനുസരിച്ച് ജനജീവിതം മാറി മറിയുന്ന സാഹചര്യത്തിൽ നായനാർ പദവിയിലെത്തിയ ഒരു ശിവ ഭക്തൻ ഭരണം നടത്തിയിരുന്നു.

രാജാവായി ഭരണചക്രം തിരിക്കുമ്പോഴും തന്റെ അടിയുറച്ച ശിവഭക്തിയാൽ അറുപത്തി മൂന്ന് നായനന്മാരിൽ ഒരാളെന്ന യശസ്സ് അദ്ദേഹം സ്വന്തമാക്കിയിരുന്നു.

ഭസ്മം രുദ്രാക്ഷധാരികളാണ് യഥാർത്ഥ ശൈവർ എന്നാണ് ഇദ്ദേഹം കൽപ്പിച്ചിരുന്നത്. അതിൻപ്രകാരം സ്വജീവിതം മാതൃകയാക്കി ഭരണവും ജീവിതവുമായി മുന്നോട്ടുനീങ്ങിയ ആ ശിവഭക്തന്റെ ജീവിതത്തിൽ ഒരിക്കൽ വൻ പ്രതിസന്ധി ഉണ്ടായി.