சுதர்சன சக்ரம் வான் பாதுகாப்பு அமைப்பு கேடயம் - வாள் போலச் செயல்படும்

இந்தியாவின் புதிய உள்நாட்டு வான் பாதுகாப்பு அமைப்பான ‘சுதர்சன சக்ரம்’, நாட்டுக்கு கேடயம், வாள் போலச் செயல்படும் என்று முப்படைத்தலைமைத் தளபதி அனில் சௌஹான் செவ்வாய்க்கிழமை தெரிவித்தார்.

- 

மெள (ம.பி), ஆக. 26:

மேலும், இந்த வான்பாதுகாப்பு அமைப்பு, இஸ்ரேலின் பிரபல ‘அயர்ன் டோம்’ போன்றது என்றும் அவர் குறிப்பிட்டார்.

மத்திய பிரதேச மாநிலம், மெளவில் நடைபெற்ற முப்படை களின் கருத்தரங்கு நிகழ்ச்சியில் கலந்து கொண்டு தலைமைத் தளபதி அனில் சௌஹான் பேசியதாவது:

‘ஆபரேஷன் சிந்தூர்’ நடவடிக்கையில் இருந்து, இந்தியா பல முக்கியமான பாடங்களைக் கற்றுக்கொண்டுள்ளது. அவை தற்போது நமது பாதுகாப்பு வியூகங்களில் பயன்படுத்தப்படுகின்றன. எதிர்காலப் போர்களில் வெற்றிபெற, தொழில்நுட்பம், கூட்டு நடவடிக்கைகள் மற்றும் ஒருங்கிணைந்த தளவாட மேலாண்மை ஆகியவை மிகவும் அவசியம்.

முப்படை தலைமைத் தளபதி மத்திய பிரதேச மாநிலம், மெளவில் நடைபெற்ற நிகழ்ச்சியில் பேசிய முப்படைத் தலைமைத் தளபதி அனில் சௌஹான்.