திருப்பரங்குன்றம் கோயில் தொடர்பான வழக்கு: எழுத்துப்பூர்வ மனுக்கள் தாக்கல் செய்ய உத்தரவு

மதுரை திருப்பரங்குன்றம் கோயில் தொடர்பான வழக்கில், கூடுதல் தகவல்களைத் தெரிவிக்க விரும்புவோர் எழுத்துப்பூர்வமாக மனுக்களைத் தாக்கல் செய்ய சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஏப். 23:

மதுரையைச் சேர்ந்த கண்ணன், திருப்பரங்குன்றத்தைச் சேர்ந்த அப்துல் ஜபார் உள்பட பலர் சென்னை உயர்நீதிமன்ற மதுரை அமர்வில் தாக்கல் செய்த பொது நல மனுக்கள்:

மதுரை திருப்பரங்குன்றத்தில் பாண்டிய மன்னர் காலத்தில் கட்டப்பட்ட புகழ்பெற்ற சுப்பிரமணிய சுவாமி கோயில் அமைந்துள்ளது. திருப்பரங்குன்றம் கோயிலின் தென் பகுதியில் உமையாண்டார் குகைக் கோயிலும், 11 தீர்த்தக் குளங்களும் அமைந்துள்ளன. இந்தக் கோயிலில் எந்தவிதமான உயிர் பலியிடுதலும் நடத்தக் கூடாது.

திருப்பரங்குன்றம் மலையில் சிக்கந்தர் பாதுஷா தர்கா உள்ளது. கடந்த ஜனவரியில் இந்த தர்காவின் சார்பில் ஆடு, கோழிகளைப் பலியிட்டு, பொது விருந்து வழங்கப்படுவதாகத் தெரிவிக்கப்பட்டது.