72-ஆவது பிறந்த நாள்: முதல்வர் ஸ்டாலினுக்கு திமுகவினர் வாழ்த்து

முதல்வர் மு.க.ஸ்டாலினின் 72-ஆவது பிறந்த தினத்தையொட்டி, அவரை நேரில் சந்தித்து திமுகவினர் வாழ்த்து தெரிவித்தனர்.

- 

சென்னை, மார்ச் 1: கட்சித் தலைமை அலுவலகமான அண்ணா அறிவாலயத்தில் நீண்ட வரிசையில் காத்திருந்து பரிசுகளை வழங்கி அன்பை வெளிப்படுத்தினர்.

முதல்வர் மு.க.ஸ்டாலின் தனது 72-ஆவது பிறந்த தினத்தை சனிக்கிழமை கொண்டாடினார். சென்னை ஆழ்வார்பேட்டையில் உள்ள அவரது இல்லத்தில் அவருக்கும், மனைவி துர்கா ஸ்டாலினுக்கும் குடும்பத்தார் மாலை அணிவித்து வாழ்த்து கூறினர். அவர்களது முன்னிலையில் முதல்வர் மு.க.ஸ்டாலின் கேக் வெட்டினார்.

பின்னர், அவரது மகனும் துணை முதல்வருமான உதயநிதி ஸ்டாலின், மகன், மருமகள், மருமகன் மற்றும் பேரக்குழந்தைகளுக்கு கேக் ஊட்டி தனது மகிழ்ச்சியைப் பகிர்ந்து கொண்டார். அங்கு வந்திருந்த திமுக பொருளாளர் துரைமுருகனுக்கும் முதல்வர் கேக் ஊட்டினார். அப்போது பதிலுக்கு துரைமுருகனும் முதல்வருக்கு கேக் ஊட்டி தனது மகிழ்ச்சியைத் தெரிவித்தார்.