குடியரசு துணைத் தலைவர் தேர்தல் நடைமுறைகள் தொடக்கம்

உடல்நிலையைக் காரணம் காட்டி குடியரசு துணைத் தலைவர் பதவியை ஜகதீப் தன்கர் திடீரென திங்கள்கிழமை ராஜிநாமா செய்த நிலையில், அடுத்த குடியரசு துணைத் தலைவரைத் தேர்வு செய்வதற்கான தேர்தல் நடைமுறைகள் தொடங்கப்பட்டுள்ளதாக இந்தியத் தேர்தல் ஆணையம் புதன்கிழமை தெரிவித்தது.

- 

புது தில்லி, ஜூலை 23:

நாடாளுமன்றத்தின் இரு அவை களிலும் இடம்பெற்றுள்ள எம்.பி.க்களை உள்ளடக்கிய தேர்தல் வாக்காளர் குழுவை உருவாக்கும் பணியும், தேர்தல் அதிகாரி மற்றும் உதவி தேர்தல் அதிகாரிகளை இறுதி செய்யும் பணியும் தொடங்கப்பட்டுள்ளதாகவும் தேர்தல் ஆணைய அதிகாரிகள் தெரிவித்தனர்.

குடியரசு துணைத் தலைவராக இருந்த ஜகதீப் தன்கரின் பதவிக் காலம் வரும் 2027-ஆம் ஆண்டு ஆகஸ்ட் 10-ஆம் தேதி நிறைவடைய இருந்த நிலையில், அவர் தனது பதவியை திங்கள்கிழமை (ஜூலை 21) ராஜிநாமா செய்து குடியரசுத் தலை வருக்கு கடிதம் அனுப்பினார். அவரின் ராஜிநாமா அறிவிக்கையை மத்திய உள்துறை அமைச்சகம் செவ்வாய்க்கிழமை வெளியிட்டது. இந்த அறிவிக்கை குறித்த தகவல் மாநிலங்களவையிலும் முறைப்படி தெரிவிக்கப்பட்டது.