தூத்துக்குடி, நாகர்கோவில் மக்கள் குறைதீர் கூட்டத்தில் 797 மனுக்கள்

தூத்துக்குடி மாவட்ட ஆட்சியர் அலுவலக கூட்டரங்கில் மாவட்ட ஆட்சியர் க.இளம்பகவத் தலைமையில் திங்கள்கிழமை நடைபெற்ற மக்கள் குறைதீர் கூட்டத்தில் மொத்தம் 452 மனுக்கள் பெறப்பட்டன.

- 

தூத்துக்குடி/நாகர்கோவில், மே 26:

தூத்துக்குடி மாவட்ட ஆட்சியர் அலுவலக கூட்டரங்கில் மாவட்ட ஆட்சியர் க.இளம்பகவத் தலைமையில் திங்கள்கிழமை நடைபெற்ற மக்கள் குறைதீர் கூட்டத்தில் மொத்தம் 452 மனுக்கள் பெறப்பட்டன. மனுக்கள் மீது உரிய நடவடிக்கை மேற்கொள்ளுமாறு துறைசார்ந்த அலுவலர்களுக்கு ஆட்சியர் அறிவுறுத்தினார். அதனைத் தொடர்ந்து, மாற்றுத்திறனாளிகளுக்கு இணைப்புச் சக்கரம் பொருத்தப்பட்ட பெட்ரோல் ஸ்கூட்டர்கள், செயற்கை அவயங்கள், கட்டுமானத் தொழிலாளர்களுக்கு கல்வி உதவித்தொகை, திருமண நிதி உதவி, இயற்கை மரண உதவித்தொகை, புதிய ஓய்வூதியத்தொகை உள்ளிட்டவற்றுக்கான உத்தரவு என மொத்தம் 1,139 பயனாளிகளுக்கு ரூ.46 லட்சத்து 71,800 மதிப்பிலான நலத்திட்ட உதவிகளை வழங்கினார்.