கட்சி மாறினாலும் இடைத்தேர்தல் இல்லை

தெலங்கானா முதல்வருக்கு உச்சநீதிமன்றம் கண்டனம்

- 

புதுதில்லி, ஏப்.2: காங்கிரஸ் கட்சியில் பிஆர்எஸ் எம்எல்ஏக்கள் மேலும் இணைந்தாலும் அந்தத் தொகுதிகளில் இடைத்தேர்தல் நடத்தப்படாது என தெலங்கானா முதல்வர் ரேவந்த் ரெட்டி கூறியிருந்தால் அது அரசமைப்புச் சட்டத்தின் 10-ஆவது அட்டவணையை அவமதிக்கும் கருத்தாகும் என உச்சநீதிமன்றம் புதன்கிழமை தெரிவித்தது.

கட்சி மாறும் உறுப்பினர்களை தகுதிநீக்கம் செய்வது தொடர்பான விதிகள் அரசமைப்புச் சட்டத்தின் பத்தாவது அட்டவணையில் குறிப்பிடப்பட்டுள்ளன.

இந்நிலையில், கடந்த மாதம் 26-ஆம் தேதி பேரவையில் பேசிய முதல்வர் ரேவந்த் ரெட்டி, காங்கிரஸ் கட்சியில் பிஆர்எஸ் மேலும் எம்எல்ஏக்கள் இணைந்தாலும் அந்தத் தொகுதிகளுக்கும் இடைத்தேர்தல் நடத்தப்படாது. எனவே உறுப்பினர்கள் கவலைகொள்ள வேண்டாம் என கூறியதாக குற்றஞ்சாட்டப்பட்டது.