அம்பேத்கர் பிறந்த நாள்: சிலைக்கு பல்வேறு அரசியல் கட்சியினர் மரியாதை

சட்டமேதை டாக்டர் பி.ஆர். அம்பேத்கர் 135-ஆவது பிறந்த நாளை முன்னிட்டு, சிவகங்கையிலுள்ள அவரது உருவச் சிலைக்கு பல்வேறு அரசியல் கட்சியினர், பல்வேறு அமைப்பினர் திங்கள்கிழமை மாலை அணிவித்து மரியாதை செலுத்தினர்.

- 

சிவகங்கை/திருப்பத்தூர்/சிவகங்கை/கமுதி/திருவாடானை/ஸ்ரீவில்லிபுத்தூர்/சாத்தூர்/ராஜபாளையம், ஏப். 14: சட்டமேதை டாக்டர் பி.ஆர். அம்பேத்கர் 135-ஆவது பிறந்த நாளை முன்னிட்டு, சிவகங்கையிலுள்ள அவரது உருவச் சிலைக்கு பல்வேறு அரசியல் கட்சியினர், பல்வேறு அமைப்பினர் திங்கள்கிழமை மாலை அணிவித்து மரியாதை செலுத்தினர்.

அம்பேத்கர் பிறந்த நாளையொட்டி, சிவகங்கையில் அரசு மருத்துவக் கல்லூரி அருகே உள்ள அவரது உருவச் சிலைக்கு திமுக சார்பில் நகர்மன்றத் தலைவர் சி.எம். துரைஆனந்த் தலைமையில் அந்தக் கட்சி நிர்வாகிகள் மாலை அணிவித்து மரியாதை செலுத்தினர். அதிமுக சார்பில் கட்சியின் நகரச் செயலர் என். எம். ராஜா தலைமையில் கட்சி நிர்வாகிகளும், விடுதலைச்சிறைதைகள் கட்சி சார்பில் தெற்கு மாவட்டச் செயலர் பாலையா தலைமையில் அமைப்புச் செயலாளர் எல்லாளன், மாவட்டப் பொருளாளர் பாஸ்கர், மாவட்ட துணைச் செயலர் சுடர்மணி, செய்தித் தொடர்பாளர் ஆதிவளவன் உள்ளிட்டோர் மாலை அணிவித்து மரியாதை செலுத்தினர்.

சிவகங்கை சட்டப்பேரவைத் தொகுதி காங்கிரஸ் சார்பில், அதன் மாநில பொதுச் செயலர் சி.ஆர். சுந்தராஜன் தலைமையில் சட்டப்பேரவைத் தொகுதிப் பொறுப்பாளர் சோணை, வட்டாரத் தலைவர்கள் மதியழகன், உடையார், செல்லப்பாண்டியன், நகரத் தலைவர் விஜயகுமார் உள்ளிட்டோர் மாலை அணிவித்து மரியாதை செலுத்தினர்.

தமிழ்நாடு கலை இலக்கியச் சங்கம் சார்பில் பொதுச் செயலர் பொ. சங்கரசுப்பிரமணியன், தகஇச மாநில துணைச் செயலர் மு.செல்வக்குமார், தமிழாசிரியர் தமிழ்நாடு ஊரக வளர்ச்சித் துறை அலுவலர் சங்க மாவட்டச் செயலர் இரா.செல்வம், தமிழ்நாடு அரசு ஊழியர்கள் சங்க மாவட்டச் செயலர் கா. ஜெயபிரகாஷ் ஆகியோர் மாலை அணிவித்து மரியாதை செலுத்தினர்.

இதேபோல, பாஜக, ஆம் ஆத்மி, கம்யூனிஸ்ட், தமிழ்ப்புலிகள் கட்சியினர், சிவகங்கை வழக்குரைஞர்கள், நீலம் பண்பாட்டு மையம் உள்பட பல்வேறு அமைப்புகளின் நிர்வாகிகள் அம்பேத்கர் உருவச் சிலைக்கு மாலை அணிவித்து மரியாதை செலுத்தினர்.

திருப்பத்தூர்: சிவகங்கை மாவட்டம், திருப்பத்தூரில் தமிழ்நாடு முற்போக்கு எழுத்தாளர் கலைஞர் சங்கம் சார்பில், அம்பேத்கரின் 135-ஆவது பிறந்த நாள் விழா கொண்டாடப்பட்டது.