முப்படையின் சக்கர வியூகத்தால் பணிந்தது பாகிஸ்தான்

இந்திய முப்படையினர் ஒருங்கிணைந்து உருவாக்கிய சக்கரவியூகத்தால் பாகிஸ்தான் மண்டியிட வேண்டிய நிலைக்குத் தள்ளப்பட்டது; புனிதமான 'சிந்தூர்' (குங்குமம்), வெடிமருந்தாக மாறினால் என்ன நிகழும் என்பது எதிரிகளுக்கு உணர்த்தப்பட்டுள்ளது என்று பிரதமர் நரேந்திர மோடி தெரிவித்தார்.

- 

பிகானீர், மே 22: இந்திய முப்படையினர் ஒருங்கிணைந்து உருவாக்கிய சக்கரவியூகத்தால் பாகிஸ்தான் மண்டியிட வேண்டிய நிலைக்குத் தள்ளப்பட்டது; புனிதமான 'சிந்தூர்' (குங்குமம்), வெடிமருந்தாக மாறினால் என்ன நிகழும் என்பது எதிரிகளுக்கு உணர்த்தப்பட்டுள்ளது என்று பிரதமர் நரேந்திர மோடி தெரிவித்தார்.

எனது உடலில் பாய்வது ரத்தமல்ல; சிந்தூர். இந்தியர்களின் உயிருடன் விளையாடினால், கடும் விலையைக் கொடுக்க நேரிடும் என்று பாகிஸ்தானுக்கு அவர் எச்சரிக்கை விடுத்தார்.

பஹல்காம் பயங்கரவாதத் தாக்குதலுக்குப் பதிலடியாக, 'ஆபரேஷன் சிந்தூர்' நடவடிக்கையின்கீழ் பாகிஸ்தான் மற்றும் ஆக்கிரமிப்பு காஷ்மீரில் இந்திய ராணுவம் கடந்த மே 7-ஆம் தேதி அதிதுல்லியத் தாக்குதல் நடத்தி, பயங்கரவாத உள்கட்டமைப்புகளை அழித்தது. 100-க்கும் மேற்பட்ட பயங்கரவாதிகளும் கொல்லப்பட்டனர்.

இந்த நடவடிக்கைக்குப் பிறகு பாகிஸ்தான் மேற்கொண்ட வான்வழித் தாக்குதலை திறம்பட முறியடித்த இந்தியா, அந்நாட்டின் விமானப் படைத் தளங்களையும் தாக்கியது. நான்கு நாள்கள் நீடித்த இந்த மோதல், பாகிஸ்தானின் கோரிக்கையின்பேரில் அண்மையில் நிறுத்தப்பட்டது.

இந்நிலையில், ராஜஸ்தான் மாநிலம், பிகானீரில் வியாழக்கிழமை நடைபெற்ற நிகழ்ச்சியில் பங்கேற்ற பிரதமர் மோடி, நாடு முழுவதும் 'அம்ருத் பாரத்' திட்டத்தின் கீழ் நவீன வசதிகளுடன் மேம்படுத்தப்பட்ட 103 ரயில் நிலையங்கள் உள்பட ரூ.26,000 கோடி மதிப்பிலான வளர்ச்சித் திட்டங்களைத் தொடங்கி வைத்ததுடன், புதிய திட்டங்களுக்கு அடிக்கல் நாட்டி உரையாற்றினார்.

'ஆபரேஷன் சிந்தூர்' வெற்றிகர நடவடிக்கைக்குப் பிறகு பொது நிகழ்ச்சியில் பிரதமர் ஆற்றிய முதல் உரை இதுவாகும். அவர் பேசியதாவது: