ஏழைக் குழந்தைகள் ஆங்கிலம் படிப்பதை பாஜக-ஆர்எஸ்எஸ் விரும்பவில்லை

ஏழைக் குழந்தைகள் ஆங்கிலம் படிப்பதை பாஜக-ஆர்எஸ்எஸ் விரும்பவில்லை. ஏனெனில், ஏழைகள் கேள்வி கேட்பதையும், சமத்துவ நிலையை அடைவதையும் அவர்கள் விரும்பவில்லை என்று எதிர்க்கட்சித் தலைவர் ராகுல் காந்தி குற்றஞ்சாட்டினார்.

- 

புது தில்லி, ஜூன் 20:

புது தில்லியில் வியாழக்கிழமை நடைபெற்ற நிகழ்ச்சி ஒன்றில் பங்கேற்ற மத்திய உள்துறை அமைச்சர் அமித் ஷா, ஆங்கிலத்தில் பேசும் இந்தியர்கள் வெட்கப்படும் நாள் வெகுதொலைவில் இல்லை; நமது கலாசாரம், வரலாறு மற்றும் மதத்தை அந்நிய மொழிகளில் புரிந்துகொள்ள முடியாது; நமது மொழிகளை நாம் பேசாவிட்டால், நாம் உண்மையிலேயே இந்தியராக இருக்க முடியாது என்று பேசினார்.

இதற்குப் பதிலளிக்கும் வகையில், ராகுல் காந்தி தனது எக்ஸ் பக்கத்தில் வெள்ளிக்கிழமை வெளியிட்ட பதிவில் கூறியிருப்பதாவது: ஆங்கிலம் வெட்கப்பட வேண்டிய மொழியல்ல. அதிகாரமளிக்கும் மொழி. அது நமது கையைக் கட்டும் சங்கிலி அல்ல. சங்கிலியை உடைத்தெறியும் கருவி.