விவசாயிகள் தொழில்முனைவோராகவும் மாற வேண்டும்

குடியரசு துணைத் தலைவர் ஜகதீப் தன்கர்

- 

கோவை, ஏப். 27: விவசாயிகள் தொழில்முனைவோராகவும், வணிகர்களாகவும் மாற வேண்டும் என்று குடியரசு துணைத் தலைவர் ஜகதீப் தன்கர் பேசினார்.

கோவை தமிழ்நாடு வேளாண்மைப் பல்கலைக்கழகத்தில் 'வேளாண் கல்வி, புதுமை மற்றும் தொழில்முனைவோரை வலுப்படுத்துதல்' என்ற தலைப்பில் கருத்தரங்கம் ஞாயிற்றுக்கிழமை நடைபெற்றது.

இதில், குடியரசு துணைத் தலைவர் ஜகதீப் தன்கர் பங்கேற்றுப் பேசியதாவது:

இந்தியாவில் 50 சதவீதத்துக்கும் மேற்பட்டோர் வேளாண் தொழிலில் உள்ளனர். மொத்த உள்நாட்டு உற்பத்தியில் வேளாண் தொழில் 20.2 சதவீத பங்களிப்பு செய்கிறது.

1965-66-ஆம் ஆண்டுகளில் ஏற்பட்ட பஞ்ச நிலையால் வேளாண் கொள்கை வகுக்கப்பட்டு இந்திய பசுமைப் புரட்சிக்கு வழிவகுத்தது.1948-இல் ஒரு ஹெக்டேர் நிலத்தில் 0.8 டன் கோதுமை உற்பத்தியாகி வந்த நிலையில், 1975-இல் அதே நிலப்பரப்பில் 4.8 டன் கோதுமை உற்பத்தியை பசுமைப் புரட்சி நிகழ்த்திக் காட்டியது.