தமிழ் வளர்ச்சியில் திமுகவுக்கு அக்கறையில்லை தமிழிசை குற்றச்சாட்டு

தமிழ் வளர்ச்சியில் திமுக அரசுக்கு அக்கறையில்லை என பாஜக முன்னாள் தலைவர் தமிழிசை சௌந்தரராஜன் குற்றம்சாட்டினார்.

- 

மதுரை, மார்ச் 8:

மதுரையில் சனிக்கிழமை செய்தியாளர்களிடம் அவர் மேலும் தெரிவித்ததாவது:

தேசிய கல்விக் கொள்கையில் தமிழ் மொழிதான் முதன்மை பெற்றுள்ளது. ஆனால், ஏனோ தமிழ் ஒழிக்கப்படுவது போன்ற தோற்றம் தமிழகத்தில் ஏற்படுத்தப்படுகிறது. தமிழகத்தில் தமிழ் தெரியாமலேயே ஒருவர் பட்டப்படிப்பு வரை படிக்க இயலும் என்ற நிலை உள்ளது. பல முறை ஆட்சி வாய்ப்பைப் பெற்றிருந்தாலும் தமிழை அடிப்படைக்கல்வியாக நிலைப்பெறச் செய்ய திமுக முயற்சிக்கவில்லை.