தொகுதி மறுசீரமைப்பு: பிரதமர் பேசவில்லை

தொகுதி மறுசீரமைப்பு விவகாரத்தில் தமிழக மக்களின் நியாயமான அச்சத்தைப் போக்க வேண்டும் என தான் வைத்த கோரிக்கைக்கு பிரதமர் பதில் கூறாமல் சென்றுவிட்டார் என முதல்வர் மு.க.ஸ்டாலின் குற்றஞ்சாட்டினார்.

- 

உதகை, ஏப். 6: தொகுதி மறுசீரமைப்பு விவகாரத்தில் தமிழக மக்களின் நியாயமான அச்சத்தைப் போக்க வேண்டும் என தான் வைத்த கோரிக்கைக்கு பிரதமர் பதில் கூறாமல் சென்றுவிட்டார் என முதல்வர் மு.க.ஸ்டாலின் குற்றஞ்சாட்டினார்.

நீலகிரி மாவட்டம், உதகைக்கு இரண்டு நாள்கள் பயணமாக சனிக்கிழமை வந்த முதல்வர் மு.க.ஸ்டாலின், உதகையில் ரூ.143.69 கோடி செலவில் 700 படுக்கை வசதிகளுடன் கட்டப்பட்டுள்ள நீலகிரி அரசு மருத்துவக் கல்லூரி மருத்துவமனை, பணியாளர்களுக்காக ரூ.200 கோடி செலவில் கட்டப்பட்டுள்ள குடியிருப்புக் கட்டடங்களை ஞாயிற்றுக்கிழமை திறந்து வைத்தார்.

பின்னர், உதகை அரசு கலைக் கல்லூரியில் நடைபெற்ற அரசு விழாவில், ரூ.494 கோடி செலவில் மேற்கொள்ளப்பட்டு முடிவுற்ற 1,703 பணிகளைத் திறந்து வைத்து, ரூ.130 கோடி மதிப்பீட்டிலான 56 புதிய திட்டப் பணிகளுக்கு அடிக்கல் நாட்டி, ரூ.102 கோடி மதிப்பிலான அரசு நலத்திட்ட உதவிகளை 15,634 பயனாளிகளுக்கு வழங்கினார்.