ரூ.6,811 கோடியில் கேதார்நாத், ஹேம்குந்த் சாஹிப் ஆன்மிகத் தலங்களுக்கு கேபிள் கார் சேவை

மத்திய அமைச்சரவை ஒப்புதல்

- 

உத்தரகண்ட் மாநில மலை பிரதேசத்தில் அமைந்துள்ள பிரபல ஆன்மிக வழிபாட்டுத் தலங்களான ஹேம்குந்த் சாஹிப், கேதார்நாத்தில் பக்தர்களின் வசதிக்கு ரூ.6,811 கோடியில் கேபிள் கார் சேவையை ஏற்படுத்த பொருளாதார விவகாரங்களுக்கான மத்திய அமைச்சரவைக் குழு புதன்கிழமை ஒப்புதல் அளித்தது.

மேலும், தேசிய கால்நடை சுகாதாரம் மற்றும் நோய் கட்டுப்பாட்டுத் திட்டத்தை (எல்எச்டிசிபி) திருத்தியமைப்பது குறித்தும் முடிவு செய்யப்பட்டது.

பிரதமர் நரேந்திர மோடி தலைமையில் மத்திய அமைச்சரவை மற்றும் பொருளாதார விவகாரங்களுக்கான மத்திய அமைச்சரவைக் குழுக் கூட்டம் புதன்கிழமை நடைபெற்றது.

அதில் உத்தரகண்ட் மாநிலம், ருத்ரபிரயாக் மாவட்டத்தில் 11,968 அடி உயரத்தில் அமைந்த பிரசித்தி பெற்ற கேதார்நாத் கோயிலுக்குச் செல்வதற்கு சோன்பிரயாக்கிலிருந்து 12.9 கி.மீ. தொலைவுக்கு கேபிள் கார் வசதியை ஏற்படுத்த ஒப்புதல் அளிக்கப்பட்டது.