திருவண்ணாமலை மகா தீப மலையில் வல்லுநர் குழு ஆய்வு

திருவண்ணாமலையில் மண் சரிவு ஏற்பட்ட மகா தீப மலையில், மண்ணின் தற்போதைய தன்மை குறித்து புவியியல் மற்றும் சுரங்கத் துறை வல்லுநர் குழுவினர் ஞாயிற்றுக்கிழமை ஆய்வைத் தொடங்கினர்.

- 

திருவண்ணாமலை அருணாசலேஸ்வரர் கோயில் கார்த்திகை தீபத் திருவிழாவின் முக்கிய நிகழ்வான 2,668 அடி உயர மலை மீது மகா தீபம் ஏற்றும் நிகழ்வு வரும் 13-ஆம் தேதி நடைபெறுகிறது.

மலை மீது ஏற 2,500 பக்தர்களுக்கு அனுமதி: மகா தீப தினத்தன்று காலை 2,500 பக்தர்களுக்கு அனுமதி அட்டைகள் வழங்கி 2,668 அடி உயர மலையின் உச்சிக்குச் செல்ல அனுமதிப்பது வழக்கம். இந்த நடைமுறையை நிகழாண்டும் பின்பற்ற மாவட்ட நிர்வாகம் முடிவு செய்துள்ளது.

மலையேறுவது சாத்தியமா?: இதற்கிடையே, மகா தீப மலையை யொட்டியுள்ள வ.உ.சி.நகர், 11-ஆவது தெருவில் கடந்த 1-ஆம் தேதி மாலை மண் சரிவு ஏற்பட்டது. இதில் சிக்கி 7 பேர் உயிரிழந்தனர். தீபமலையின் பல்வேறு இடங்களில் மண் சரிவு ஏற்பட்ட நிலையில், பக்தர்களை மலையேற அனுமதிப்பது சாத்தியமா என்பதை ஆராய வல்லுநர் குழுவை தமிழக அரசு அமைத்தது.