மத்திய பாஜக அரசுக்கு மக்கள் பாடம் புகட்ட வேண்டும்

தமிழகத்துக்கு உரிய நிதியை வழங்காத மத்திய பாஜக அரசுக்கு மக்களவைத் தேர்தலில் மக்கள் பாடம் புகட்ட வேண்டும் என்று திமுக துணைப் பொதுச் செயலர் கனிமொழி கூறினார்.

- 

சேலத்தில் நடைபெற்ற திமுக இளைஞரணி மாநில மாநாட்டில் கனிமொழி பேசியதாவது:

மத்திய அரசு மாற்றாந்தாய் மனப்பான்மையுடன் தமிழகத்தை பார்க்கிறது. மாநில அரசுக்கு வழங்க வேண்டிய நிதியை வழங்குவதில்லை. 

தென்மாவட்டங்களில் வெள்ளத்தால் ஏற்பட்ட சேதம் குறித்து பிரதமரைச் சந்தித்து நிவாரணம் கோரினோம். மத்திய அமைச்சர்கள் இங்கு வந்து ஆய்வு செய்த போதும் இதுவரை தமிழகத்துக்கு உரிய நிதியை வழங்கவில்லை. 

வரும் மக்களவைத் தேர்தலில் மத்திய அரசுக்கு தமிழக மக்கள் பாடம் புகட்ட வேண்டும். 40 தொகுதிகளிலும் திமுக வெற்றி பெற வேண்டும் என்றார்.     

திருச்சி என்.சிவா: திமுக தலைவராக இருந்த கருணாநிதி எடுத்த முடிவு, இளைஞர் படையை உருவாக்கி திமுகவை முன்னெடுத்துச் செல்வது என்பதாகும்.