రేవంత్ రెడ్డి ఓ అపరిచితుడు

లక్షలాది మందిని సమీకరించి ఎత్తిన జెండా దించకుండా 14 ఏళ్ల పాటు కేసీఆర్ కొట్లాడితే తెలంగాణ వచ్చింది...

- 

• ఒక్కోసారి రెమో.. మరోసారి రాయ్లా కనిపిస్తాడు.

• కేసీఆర్ ఇచ్చిన ఉద్యోగాలకు కాగితాలు ఇచ్చి గొప్పలు

• గురుకులాల్లో విద్యార్థులకు విషం పెడుతున్నారు

• కేసీఆర్ 14 ఏళ్ల పోరాటం చేసి తెలంగాణ సాధించారు

• స్థానిక ఎన్నికల్లో కాంగ్రెస్కు బుద్ధి చెప్పాల్సిందే

• లింగంపేట ఆత్మగర్జన సభలో మాజీ మంత్రి కేటీఆర్

హైదరాబాద్ 25 జూలై (ఆదాబ్ హైదరాబాద్) : సీఎం రేవంత్లో అపరిచితుడు ఉన్నాడు.. ఒక్కోసారి రెమో, రామ్ కనిపిస్తాడని బిఆర్ఎస్ వర్కింగ్ ప్రెసిడెంట్ కేటీఆర్ చెప్పుకొచ్చారు. ప్రజలకు నిజమైన ముఖాన్ని చూపకుండా నటిస్తున్నాడని మండిపడ్డారు.స్థానిక సంస్థల ఎన్నికల్లో కాంగ్రెస్ను ఓడించాలంటూ ప్రజలకు పిలుపునిచ్చారు. మీ ఓటే తూటా.. కాంగ్రెస్ బట్టలు విప్పాలి అన్నారు. ఇక, రైతులకు ఇవ్వాల్సిన రైతు బంధు నిధులు ఇంకా అందలేదు.. కానీ, మూటలు ఢిల్లీకి వెళ్తున్నాయి.. రాహుల్ గాంధీ - ఖాతాలో డబ్బులు పడుతున్నాయ్ అంటూ కేటీఆర్ ఆరోపించారు. కామారెడ్డి జిల్లా లింగంపేటలో బీఆర్ఎస్ పార్టీ ఘనంగా నిర్వహించిన ఆత్మగర్జన సభలో కేటీఆర్ తో పాటు మాజీ మంత్రి ప్రశాంత్ రెడ్డి, ఆర్ఎస్ ప్రవీణ్ కుమార్ పాల్గొన్నారు. ఈ సభలో కేటీఆర్ మాట్లాడుతూ.. కాంగ్రెస్ ప్రభుత్వం, సీఎం రేవంత్ రెడ్డిపై తీవ్ర విమర్శలు గుప్పించారు. కేసీఆర్ ఇచ్చిన ఉద్యోగాలకు ఇప్పుడు కాగితాలు ఇచ్చి నేనే ఉద్యోగాలు ఇచ్చినట్లు రేవంత్ రెడ్డి చెబుతున్నారని కేటీఆర్ అన్నారు. ఇది ప్రజలను మోసగించడమేనన్నారు. ప్రభుత్వాన్ని నడిపించే వాడు నిజంగా బాధ్యత గల నాయకుడు అయితే సంపద, ఆదాయం పుడుతుందన్నారు.