തളരാത്ത യുദ്ധവീരൻ മേജർ ജനറൽ ഇയാൻ കാർഡോസോ

പ്രചോദനത്തിന്റെ ജീവിതവഴികൾ

- അശ്വിൻ നായർ

യുദ്ധത്തിനിടെയുണ്ടായ ഒരു കുഴിബോംബ് സ്ഫോടനം. അതിൽ നഷ്ടപ്പെട്ടത് സ്വന്തം കാല്. എന്നാൽ നിശ്ചയദാർഢ്യത്തെ തകർക്കാൻ ആ അപകടത്തിനാകുമായിരുന്നില്ല. യുദ്ധത്തിൽ സ്വന്തം കാലു വരെ നഷ്ടപ്പെട്ടിട്ടും ഒരു സേനാ ബറ്റാലിയനെയും ബ്രിഗേഡിനെയും നയിച്ച ആദ്യ ഇന്ത്യൻ സൈനിക ഓഫിസറായ മേജർ ജനറൽ ഇയാൻ കാർഡോസോയുടെ ജീവിതകഥ ആരെയും പ്രചോദിപ്പിക്കുന്നതാണ്.

1937ൽ ബോംബെയിൽ വിൻസെന്റ് കാർഡോസോ-ഡയാന ദമ്പതികളുടെ മകനായാണ് ഇയാൻ ജനിച്ചത്. മുംബൈ സെന്റ് സേവ്യേഴ്സ് കോളജിലെ പഠനശേഷം അദ്ദേഹം നാഷനൽ ഡിഫൻസ് അക്കാദമി, ഇന്ത്യൻ മിലിറ്ററി അക്കാദമി എന്നി വിടങ്ങളിൽ പരിശീലനം തേടി.