விகடன் சாய்ஸ்

காடுகள் சூறையாடப்படுவது, காட்டுயிர்கள் கொல்லப்படுவது, நீர்நிலைகள் ஆக்கிரமிக்கப்படுவது, ஆறுகள் சாக்கடைகளாவது... இவை சகஜமாகிவிட்ட காலத்தில் வாழ்கிறோம். சுற்றுச்சூழல் குறித்தும் காட்டுயிர்கள்  குறித்தும் , முழுமையாக அறிந்துகொள்வதுதான்  இந்தச் சீர்கேடுகளைப்   புரிந்துகொள்ளும் முதல்...

- Ananda Vikatan

காடுகள் சூறையாடப்படுவது, காட்டுயிர்கள் கொல்லப்படுவது, நீர்நிலைகள் ஆக்கிரமிக்கப்படுவது, ஆறுகள் சாக்கடைகளாவது... இவை சகஜமாகிவிட்ட காலத்தில் வாழ்கிறோம். சுற்றுச்சூழல் குறித்தும் காட்டுயிர்கள்  குறித்தும் , முழுமையாக அறிந்துகொள்வதுதான்  இந்தச் சீர்கேடுகளைப்   புரிந்துகொள்ளும் முதல் படி. அந்தக் கற்றலை இந்த நூல்கள்  எளிதாக்கும். சூழலியல் நூல்களை தொடர்ந்து வாசிப்பதற்கான ஆர்வத்தைத் தொடங்கி வைக்கும். தமிழகத்தின் இரவாடிகள் - ஏ.சண்முகானந்தம் வெளியீடு: தடாகம் பதிப்பகம்,  ரூ.300 புகைப்படக் கலைஞர் ஏ.சண்முகானந்தம் எழுதியிருக்கிற அவசியம் படிக்கவேண்டிய நூல் இது. இரவில் நம்மைச் சுற்றி வலம்வரும் உயிரினங்களைப் பற்றி விரிவாக அறிமுகப்படுத்துகிறது இந்த நூல். ஆந்தைகள், மூங்கணத்தான், தேவாங்கு, கூகை, பக்கி, மரப்பாச்சை, முள்ளம்பன்றி என இரவு நேரத்து ஜீவன்களின் வாழ்வியலைப் பற்றியும் சூழலியலின் அவசியம் குறித்தும் விரிவாக எழுதப்பட்டுள்ளது. இதில் இடம்பெற்றுள்ள எண்ணற்ற புகைப்படங்கள் இந்த நூலுக்கு மதிப்புக் கூட்டுகின்றன. குழந்தைகளும் படித்துப் புரிந்துகொள்ளும்படி எளிய மொழியில் எழுதப்பட்டுள்ள நூல் இது. திருடப்பட்ட தேசம் - நக்கீரன் எதிர் வெளியீடு,  ரூ.70 சூழலியல் தொடர்பான  அரசியலையும் பின்னணியையும் எளிதாகக் கற்றுத்தருகிறது இந்த நூல். பன்னாட்டு நிறுவனங்கள் இன்று இந்தியாவின் காடுகளையும் விவசாய நிலங்களையும் எப்படி எல்லாம் கபளீகரம் செய்கின்றன,