Akram Youth Gujarati - નિયતીની વ્યાખ્યા | February 2015 | અક્રમ યુથ

Dans ce numéro

"જય સચ્ચિદાનંદ,
મિત્રો, ‘મને કોઈ સમજતું જ નથી’ - એ આપણા રોજીંદા જીવનની સૌથી મોટી સમસ્યા હોય છે. આ સમસ્યાનો અત્યંત વૈજ્ઞાનિક ઉપાય ખુલ્લો થયો છે, જે આપણા જીવનને વધુ સુંદર અને અવરોધ વિનાનું બનાવવા માટે જરૂરથી મદદરૂપ થશે.
આપણે સૌ જાણીએ છીએ કે ‘જ્ઞાની’ સર્વશ્રેષ્ઠ ગુણો ધરાવતા હોય છે અને તેમની આ બધી જ વિશિષ્ટતાઓ ખરેખર અદ્ભૂત હોય છે. આવા અનેક મૌલિક ગુણોમાંનો તેમનો એક અનેરો ગુણ લાસએન્જલીસ-અમેરીકામાં બનેલા એક પ્રસંગથી આપણે સૌને જોવા મળે છે. જીવ માત્રને તેમના દ્વારા કિંચિતમાત્ર પણ દુઃખ ન થાય તેવી તેમની અવિરતપણે જાગૃતિ રહેતી હોય છે, તેમ છતાં કોઈને દુઃખ થઈ જાય તો તેને ખૂબ સુંદર રીતે વાળી લેતા હોય છે. આ પ્રસંગથી જ્ઞાનીનો પરમ વિનય અને લઘુતમતા આપણા બધા માટે એક સુંદર ઉદાહરણ રૂપે ખુલ્લા થાય છે.
આ અંકના વિવિધ લેખો દ્વારા અમે ‘જ્ઞાની’ ના અનેકમાંના અમુક ગુણો રજુ કરવાનો પ્રયાસ કર્યો છે. આશા રાખીએ છીએ કે, વધારે સારા માનવ બનવાની આપણી આ સફરમાં એ ‘માઈલસ્ટોન’ (પથદર્શક) બની રહેશે.
"