ഇവിടെ ആരും ഒറ്റപ്പെടരുത്...

ഭിന്നശേഷിക്കാരായ കുട്ടികളിലെ കലാകാരന്മാരെ ലോകത്തിന് മുന്നിൽ അവതരിപ്പിക്കുകയാണ് ദൃശ്യശക്തിയിലൂടെ ഗീത പൊതുവാൾ

- നിരഞ്ജന ഇന്ദു

സിനിമയെ വെല്ലുന്ന കഥപോലെയാണ് ഗീത പൊതുവാൾ എന്ന കരുത്തുറ്റ സ്ത്രീയുടെ ജീവിതയാത്ര. വർഷ ങ്ങൾക്ക് മുമ്പ് ഗവൺമെന്റ് സർവീസിൽ നിന്ന് വോളന്ററി റിട്ടയർമെന്റ് എടുത്ത് അഭിനേത്രി കൂടിയായ ഗീത ആങ്കറിംഗിൽ സജീവമായ കാലത്താണ് ഭിന്നശേഷി ക്കാരായ കുട്ടികളുടെ കലാപ്രകടനങ്ങൾ കാണാൻ ഇടയാവുന്നത്. അന്ന് കാണിയായി ഇരുന്ന ഗീതയുടെ മനസ്സിനെ അത് തൊട്ടതിനപ്പുറം വൈകാരികമായി വല്ലാതെ ഉലച്ചു. അത് ലോകം അറിയണം എന്ന ഒറ്റ ഉദ്ദേശത്തോടെ ഫേസ്ബുക്ക് വാളിൽ അവരെ പ്രശംസിച്ചുകൊണ്ട് പോസ്റ്റുകൾ പങ്കുവച്ചപ്പോൾ ആ കുട്ടികളെക്കുറിച്ച് ഒരുപാട് എൻക്വയറികൾ ഗീതയെ തേടിയെത്തി. കൂട്ടത്തിൽ മസ്ക്കറ്റിൽ നിന്ന് ഒരു ഇവന്റ് മാനേജ്മെന്റ് കമ്പനി ആ കുട്ടികളുടെ പെർഫോമൻസ് തങ്ങൾക്ക് വേണ്ടി ചെയ്യാമോ എന്നും അന്വേഷിച്ചു.

അന്ന് കുട്ടികൾക്കൊപ്പം മസ്ക്കറ്റിൽ എത്തിയ ഗീതയ്ക്ക് കുട്ടികളെ ലീഡ് ചെയ്യുന്ന വ്യക്തിയിൽ നിന്ന് മോശമായ അനുഭവമുണ്ടായി. അത് ഗീത എന്ന സ്ത്രീയെയും ഗീത എന്ന അമ്മയേയും വല്ലാതെ വേട്ടയാടി. അയാളുടെ കീഴിൽ നിൽക്കുന്ന ഭിന്നശേഷിക്കാരായ ആ കുഞ്ഞുങ്ങൾ അവിടെ സുരക്ഷിതമല്ലെന്ന തോന്നലിൽ നിന്നാണ് അവർക്കുവേണ്ടി എന്തെങ്കിലും ചെയ്യണമെന്ന് തീരുമാനിച്ചത്. ആ തീരുമാനമാണ് ദൃശ്യയായും ഇന്ന് ദൃശ്യശക്തിയായ പാൻ ഇന്ത്യ ലെവലിൽ ശ്രദ്ധിക്കപ്പെടുന്ന പെർഫോമിംഗ് ഗ്രൂപ്പായും വളർന്നതിന്റെ പ്രധാന കാരണം. ഇത് ഒരു തുടക്കം മാത്രമാണ്. ഇനിയും നമ്മുടെ കുട്ടി കൾക്കായി ഒരുപാട് ചെയ്യാനുണ്ടെന്ന് പറഞ്ഞു കൊണ്ട് ഗീത സംസാരിച്ചുതുടങ്ങി.

അവർ എന്റെ മക്കളാണ്, സന്തോഷമാണ്