സ്ത്രീസുരക്ഷ അറിഞ്ഞേ പറ്റൂ ഇതെല്ലാം

ആണും പെണ്ണും എല്ലാം വെറും ഒരു ശ്വാസമാണ്. ഈ ഭൂമിയിലെ സന്ദർശകർ മാത്രമാണ്. അതിനപ്പുറം ആരും ഇവിടെ ഒന്നുമല്ല!!

- നേഹ റോസ്

എല്ലാ മനുഷ്യരും ഒരുതരം ഈഗോ വെച്ചു പുലർത്തുന്നു. മറ്റുള്ളവരെ അംഗീകരിക്കാനുള്ള മനസ്സ് ആരുടെയും ഉള്ളിലില്ല. പ്രത്യേകിച്ച് അതൊരു സ്ത്രീയാണെങ്കിൽ പെണ്ണ് വെറും പെണ്ണാണ്. എന്തും പറയാം, അടിക്കാം എന്ന ചിന്താഗതി ഇന്ന് പലരും വച്ചുപുലർത്തുന്നു.

 "എന്നെ കെട്ടുന്നത് നിന്റെ ഭാഗ്യമാണ്. നീ എനിക്ക് ഒന്നുമല്ല ഈ വക ഡയലോഗുകൾ കേട്ടിട്ടില്ലാത്ത പെണ്ണുങ്ങൾ ആരും തന്നെ ഉണ്ടാവില്ല. എല്ലാ നാട്ടിലും, ലോകമെമ്പാടുമുള്ള എല്ലാ വികസിത രാജ്യങ്ങളിലും ഒരേ അവസ്ഥ. വിവാഹശേഷം പലരും പുരുഷന്റെ കുടുംബപ്പേരിൽ അറിയപ്പെടുന്നു. Mrs എന്ന നാമകരണം ചെയ്യപ്പെടുന്നു. സ്ത്രീയുടെ കുറ്റങ്ങളും, കുറവുകളും ചർച്ച ചെയ്യപ്പെടുന്നു.

ഈ വ്യവസ്ഥിതി നിലനിൽക്കുന്നിടത്തോളം കാലം സ്ത്രീകൾക്ക് അനുകൂല നിയമങ്ങൾ ആവശ്യമാണ്.

ആരാണ് സ്ത്രീയുടെ ശത്രു?

പൊതുവേയുള്ള ധാരണ സ്ത്രീയുടെ ശത്രുക്കൾ പുരുഷനാണെന്നാണ്. പക്ഷേ യഥാർത്ഥത്തിൽ സ്ത്രീയുടെ ശത്രു ഇവിടുത്തെ ചട്ടക്കൂടുകളാണ്. പരമ്പരാഗതമായി ജീവിച്ച ശൈലിയിൽ നിന്നും മാറുമ്പോൾ സ്ത്രീകൾ ചോദ്യം ചെയ്യപ്പെടുന്നു. സമൂഹം ആണ് സത്യത്തിൽ സ്ത്രീയുടെ ശത്രു, അതിൽ സ്ത്രീകളും ഉൾപ്പെടും. സ്ത്രീയുടെ ശത്രു നമ്മുടെ ചട്ടക്കൂടുകളും മാറ്റം ആഗ്രഹിക്കാത്ത പൊതുബോധവുമാണ്.

എന്താണ് ഒരു സ്ത്രീക്ക് വേണ്ടത്?

ഒരു സ്ത്രീക്ക് വേണ്ടത് സ്വാതന്ത്ര്യമാണ്. ചോദ്യം ചെയ്യപ്പെടാതെ അവളുടെ ഇഷ്ടപ്രകാരം ജീവിക്കാനുള്ള സ്വാതന്ത്ര്യം ഇഷ്ടമുള്ള സ്വാതന്ത്ര്യം, ഇഷ്ടമുള്ളപ്പോൾ മാത്രം പ്രസവിക്കാനുള്ള സ്വാതന്ത്ര്യം. അവളുടെ ശരീരം അവരുടേത് മാത്രമാണ് എന്ന ബോധ്യത്തോടെ കൂടി ജീവിക്കാനുള്ള സ്വാതന്ത്ര്യം.

സ്ത്രീകൾ അനുഭവിക്കുന്ന body shaming

പ്രസവാനന്തരം സ്ത്രീകളുടെ ശരീരഘടനയിൽ മാറ്റങ്ങൾ സംഭവിക്കുമ്പോൾ, ഭർത്താവ് പോലും സ്വന്തം ഭാര്യയെ body shaming ചെയ്യുന്നു. എന്നാൽ ഈ ഭർത്താക്കന്മാർ ഒരിക്കലും മനസ്സിലാക്കുന്നില്ല. അവരുടെ കുട്ടിക്ക് ജന്മം നൽകിയതു കൊണ്ടാണ് അവളുടെ ശരീരഘടനയിൽ മാറ്റം വരുന്നതെന്ന്. അതോടൊപ്പം തന്നെ മനസ്സിലാക്കേണ്ട മറ്റൊരു പ്രധാനപ്പെട്ട കാര്യം നിങ്ങൾ മറന്നുപോകുന്നു.