તમારી કમાણી સાસુને ક્યારે આપવી ક્યારે નહીં

જો કામકાજી વહુઓ માટે એ દુવિધા રહે છે કે તે પોતાની કમાણી સાસુમાને ક્યારે આપે અને ક્યારે નહીં, તો ચાલો તેનું સમાધાન જાણીએ..

ભલે ને સાસુવહુના સંબંધને ૩૬નો આંકડો કહેવાતો હોય પણ હકીકત એ પણ છે કે એક ખુશહાલ પરિવારનો આધાર સાસુવહુની વચ્ચે પરસ્પર તાલમેલ અને એકબીજાને સમજવાની કલા પર નિર્ભર કરે છે.

એક યુવતી જ્યારે લગ્ન કરીને કોઈ ઘરની વહુ બને છે ત્યારે સૌથી પહેલાં પોતાની સાસુની હુકૂમતનો સામનો કરવો પડે છે. સાસુ વર્ષોથી જે ઘરને ચલાવી રહી હોય છે. તેને એકદમ વહુના હવાલે નથી કરી શકતી. તે ઈચ્છે છે કે વહુ તેમને માન આપે, તેમના પ્રમાણે ચાલે.

આ સ્થિતિમાં જો વહુ વ્યવસાયી હોય તો તેના મનમાં એ પ્રશ્ન ઊભો થાય છે કે તે પોતાની કમાણી પોતાની પાસે રાખે અથવા તો સાસુના હાથ પર? વાત માત્ર સાસુના માનની જ નથી હોતી વહુનું માન પણ મહત્ત્વનું છે. તેથી કોઈપણ નિર્ણય લેતાં પહેલાં કેટલીક વાતોનું ખાસ ધ્યાન રાખવું જોઈએ.

વહુ કમાણી સાસુના હાથ પર ક્યારે મૂકે

સાસુ જ્યારે મજબૂર :

જો સાસુ હોય એકલા છે અને સસરા જીવિત નથી તો આ સ્થિતિમાં એક વહુ જો પોતાની કમાણી સાસુને સોંપે છે તો સાસુ તેનાથી પોતાનાપણું અનુભવવા લાગે છે. પતિના ન હોવાના લીધે સાસુએ એવા અનેક ખર્ચ રોકવા પડે છે જે જરૂરી હોવા છતાં પૈસાની સંકડામણના લીધે નથી કરી શકતા. પુત્ર ભલે ને પોતાના રૂપિયા ખર્ચ માટે આપતો હોય પણ કેટલાક ખર્ચ એવા હોઈ શકે છે જેના માટે વહુની કમાણીની પણ જરૂર પડી શકે છે. આ સ્થિતિમાં સાસુને કમાણી આપીને વહુ પરિવારની શાંતિ જાળવી શકે છે.

સાસુ અથવા ઘરમાં કોઈ અન્યના બીમાર થવાની સ્થિતિમાં :

જો સાસુની તબિયત ખરાબ રહે છે અને ઈલાજ પર ખૂબ રૂપિયા થાય છે તો વહુની ફરજ છે કે તે પોતાની કમાણી સાસુના હાથમાં મૂકીને તેમને ઈલાજની સુવિધા ઉપલબ્ધ કરાવવામાં મદદ કરો.

પોતાની પહેલી કમાણી :

જે રીતે એક યુવતી પોતાની પહેલી કમાણીને માતાપિતાના હાથમાં મૂકીને ખુશ થાય છે તે જ રીતે જો તમે વહુ છો તો તમારી પહેલી કમાણી સાસુના હાથમાં મૂકીને તેમના આશીર્વાદ લેવાની તક ન ચૂકો.

જો તમારી સફળતાનું કારણ સાસુ છે સાસુના પ્રોત્સાહનથી તમે અભ્યાસ કર્યો અથવા કોઈ હુન્નર શીખીને નોકરી મેળવી છે એટલે કે તમારી સફળતામાં તમારા સાસુનું પ્રોત્સાહન અને પ્રયાસ છે તો પછી તમારી કમાણી તેમને આપીને કૃતજ્ઞતા જરૂર વ્યક્ત કરો. સાસુની ભીંજાયેલી આંખોમાં છૂપા પ્રેમનો અહેસાસ કરીને તમે નવા જોશથી તમારા કામમાં લાગી જાઓ.