ഗുരുവായൂരിലെ ശേഷാദ്രി

കറിക്കമ്പനികൾ. ബ്ലേഡ് കമ്പനികൾ, ആട്, തേക്ക്, മാഞ്ചിയം സൈബർ തട്ടിപ്പുകൾ ഇതാ ഇപ്പോൾ പാതിവില തട്ടിപ്പ്.

- ശങ്കരാടിൽ മുരളി 9074507663

ഏതാണ്ട് അമ്പതുവർഷം മുമ്പുനടന്ന കഥയാണ്. തൃശൂർ എക്സ്പ്രസ്' എന്ന പ്രതത്തിലാണ് ആ വാർത്ത വന്നിരുന്നത്.

ഗുരുവായൂരിൽ ശേഷാദ്രി എന്നൊരു മഹാൻ വന്നിരിക്കുന്നു. അദ്ദേഹം 5 ദിവസം സത്രത്തിൽ താമസിച്ച്, സനാതനകാര്യങ്ങൾക്കും സന്നദ്ധ സംഘടനകൾക്കും ധനസഹായം നൽകുന്നു. എല്ലാവരും പ്രോജക്ടും 10 രൂപയുമായി വരണം. അർഹതപ്പെട്ടവർക്കെല്ലാം സ്പോട്ടിൽ വെച്ചു പണം ചെക്കായി നൽകും.

വാർത്ത കണ്ട് പതിനായിരങ്ങൾ ഗുരുവായൂരിലേക്ക് അവരവരുടെ പ്രോജക്ടുമായി ഒഴുകിയെത്തി. അക്കാലത്ത് ഗുരുവായൂരിൽ ഇത്രകണ്ട് ഹോട്ടലുകളും ഭക്തജനത്തിരക്കും ഒന്നുമില്ല.

പത്തുരൂപയ്ക്ക് ഇന്നത്തെ 500 രൂപയുടെ വിലയുള്ള കാലം. പ്രോജക്ടുകളുമായി വന്ന സകലർക്കും ശേഷാദ്രി ആയിരങ്ങൾ അനുവദിച്ച് നൽകി. ചെക്ക് വിദേശത്തുള്ള ബാങ്കിന്റേതാണ്. അങ്ങനെ ഒരു ബാങ്ക് വിദേശത്തോ, ഭൂമി പാതാളത്തിലോ ഇല്ലെന്ന സത്യം പാവം ജനം മനസ്സിലാക്കിയത് പിറ്റേദിവസം, അവരുടെ ബാങ്കിൽ ചെക്ക് കളക്ഷനയയ്ക്കാൻ ചെന്നപ്പോഴാണ്. ചെക്കുബുക്ക് ശേഷാദ്രി തന്നെ സ്വയം നിർമ്മിച്ചതായിരുന്നു.