இந்திய மீனவர் பிரச்சினை; துப்பாக்கியால் சுடுவேன் எனக் கூறிய பிரதமர் ஜனாதிபதியாக இருக்கிறார்

தற்போதைய ஜனாதிபதி ரணில் விக்கிரமசிங்க, பிரதமராக இருக்கும்போது இலங்கை கடற்பரப்புக்குள் அத்துமீறி இந்திய மீனவர்கள் நுழைந்தால் அவர்களை துப்பாக்கியால் சுடுவோம் என கூறியிருந்தார். எனவே தற்போது, அவரால் இந்திய மீனவர்கள் பிரச்சினையில் தீர்மானத்துக்கு வரமுடியும் என தேசிய மக்கள் சக்தியின் பாராளுமன்ற உறுப்பினர் விஜித ஹேரத் தெரிவித்தார்.

ஒலுவில் துறைமுகம் தோல்வியடைந்த துறைமுகத் திட்டமாகவே இருக்கிறது. இந்தத் துறைமுகத்தில் மணல் நிரம்பும் போது அதனை அகற்றுவதற்கு நோர்வே அரசாங்கம் மணல் அகற்றும் இயந்திரம் ஒன்றை வழங்கியிருந்தது.

இந்த இயந்திரத்தைப் பயன்படுத்தி ஆரம்பத்தில் மணல் அகற்றப்பட்டாலும் தற்போது இந்த இயந்திரம் காணாமல் போயுள்ளது.

எனக்குத் தெரிந்த வரையில், இந்த மணல் அகற்றும் இயந்திரம் ஹம்பாந்தோட்டைக்கு சென்றுள்ளதாக அறிகிறேன் என்றார்.