டூமாஸ்: பிரச்னைகளை எதிர்கொண்டவர்

ரிய படைப்புகளால் வாசகர்களுக்கு விருந்து அளித்தவர் அலெக்ஸாண்டர் டூமாஸ். பிரெஞ்சு நாட்டின் பிரபல நாவலாசிரியரான இவர், 'மூன்று வீரர்கள்', 'மான்டி கிறிஸ்தோவின் பிரபு' போன்ற பல நாவல்களையும், நாடகங்களையும் எழுதியவர். ஆங்கிலத்தில் மொழிபெயர்க்கப்பட்டுள்ள இவரது பல படைப்புகள் இன்றும் வாசகர்களைக் கவர்கின்றன.

- -டி.எம்.இரத்தினவேல், சத்தியமங்கலம்.

டூமாஸுக்கு இயல்பாகவே சண்டை போடும் குணம் இருந்து வந்தது. தனது நான்காம் வயதில், தந்தை இறந்தபோது, அவரைக் கொன்று விட்ட கடவுளுடன் சண்டை போடுவதற்காக மயானத்தின் படிகளிலேயே ஏற ஆரம்பித்துவிட்டார். டூமாஸை சமரசப்படுத்துவதற்காக அவரது தாய் படாதபாடு பட்டார். துன்பங்களைத் தாங்கிக் கொண்டு அன்றாடப் பிரச்னைகளை எதிர்த்து சமாளிப்பதே டூமாஸின் வாழ்க்கையில் இயல்பாக இருந்தது. இந்தத் தன்மை அவரது நாவல்களில் வரும் கதாபாத்திரங்களிலும் பிரதிபலித்தது.

ஏழையாகவே வாழ்வைத் தொடங்கிய டூமாஸ், தனது சொந்த ஊரில் முன்னேற வாய்ப்பில்லை என்று கருதி பாரிஸுக்கு போக நினைத்தபோது அதற்கும் போதிய பணம் இல்லை. 'பில்லியர்ட்ஸ்' விளையாட்டில் திறமை பெற்ற அவர், மற்றவர்களிடம் பந்தயம் வைத்து அவர்களை வென்று போதிய பணம் சேர்த்து கொண்டு பாரிஸுக்கு சென்றார்.

அங்கே பல நாடகங்களை எழுதிக் குவித்தார். ஆனால், அந்தத் துறைக்கு முற்றிலும் புதிய வரவான அவருடைய படைப்புகளை நாடக உலகம் கௌரவிக்க மறுத்துவிட்டது. மனம் தளராது தொடர்ந்து எழுதிக் கொண்டே இருந்தார்.