மத்திய பாஜக அரசை வீழ்த்த வியூகங்கள் வகுக்கப்படும்

மார்க்சிஸ்ட் மாநிலச் செயலர் பெ. சண்முகம்

- 

மதுரை, மார்ச் 3: மதுரையில் நடைபெற உள்ள மார்க்சிஸ்ட் கம்யூனிஸ்ட் கட்சியின் அகில இந்திய மாநாட்டில், மத்திய பாஜக அரசை வீழ்த்துவதற்கான வியூகங்கள் வகுக்கப்படும் என்று மாநிலச் செயலர் பெ. சண்முகம் தெரிவித்தார்.

மார்க்சிஸ்ட் கம்யூனிஸ்ட் கட்சியின் 24-ஆவது அகில இந்திய மாநாடு மதுரையில் வரும் ஏப்ரல் 2-ஆம் தேதி முதல் 6-ஆம் தேதி வரை நடைபெறவுள்ள நிலையில், இந்த மாநாட்டுக்கான இணையதளம், இசை, ஒளிப்படம் வெளியீடு, குறும்பட போட்டி அறிவிப்பு நிகழ்ச்சி திங்கள்கிழமை நடைபெற்றது.

இதில் பங்கேற்ற பின்னர், கட்சியின் மாநிலச் செயலர் பெ. சண்முகம் செய்தியாளர்களிடம் கூறியதாவது: