பெரிதினும் பெரிது காண்!

லகில் மிக அதிக அளவில் பக்தர்கள் அமைதியாக ஒருங்கிணைந்து தருகிறார்கள்.

- 

கங்கையும், யமுனையும், நிலத்தடி நீராக சரஸ்வதியும் ஒன்றுகூடும் இடத்தில், பல மைல் தூரம் நடந்து சென்று மூழ்கிக் குளிப்பதன் மூலம் தங்களது முற்பிறவிப் பாவங்கள் தொலைகின்றன என்று காலங்காலமாக, தலைமுறை தலைமுறையாக பக்தர்கள் நம்புகிறார்கள்.

ஹிந்துத் துறவிகள், மடாதிபதிகள், மேனியெல்லாம் திருநீறுடன் காணப்படும் நாக சாதுக்கள், மண்டையோடு மாலையும், கையில் சூலாயுதம், வாள் ஏந்திய அகோரிகள் அனைவரும் கூடும் நிகழ்வு 'கும்பமேளா'. இவர்களைப் பார்க்கவும், அவர்களிடம் ஆசி பெறவும், மூன்று நதிகள் கூடும் சங்கமத்தில் புனித நீராடவும் உலகெங்கும் இருந்து குவியும் பக்தர்கள் கும்பமேளாவின் தனிச்சிறப்பு.

இதுவரையில் ஏறத்தாழ 65 கோடி பக்தர்கள் இன்று நிறைவடைய இருக்கும் மகா கும்பமேளாவில் கலந்து கொண்டிருப்பதாகப் புள்ளிவிவரங்கள் தெரிவிக்கின்றன. பிரதமர் நரேந்திர மோடியால் ‘ஒற்றுமைக்கான மகா யாகம்’ என்று வர்ணிக்கப்படும் பிரயாக்ராஜ் கும்பமேளாவிற்காக மத்திய அரசு சிறப்பு நிதியாக ரூ.2,100 கோடியை ஒதுக்கி இருக்கிறது. கோடிக்கணக்கான பக்தர்களின் வசதிகளுக்காக மாநில அரசு செலவழித்திருப்பது மேலும் ரூ.7,500 கோடி.

உத்தர பிரதேசத்தின் பிரயாக்ராஜ் மாவட்டத்தில், இதற்காகவே ஒரு இடைக்கால நகரம் உருவாக்கப்பட்டது. 25 பகுதிகள் (செக்டார்கள்), மக்கள் குளிப்பதற்காக 12 படித்துறைகள் உள்ளிட்டவை, சுமார் 4,000 ஹெக்டேர் நிலப்பரப்பில் (40 சதுர கி.மீ.) உருவாக்கப்பட்டன.