3 ஆண்டுகளைக் கடந்த ‘ஊட்டச் சத்தை உறுதி செய்’ திட்டம்

கடுமையான ஊட்டச்சத்து குறைபாட்டில் இருந்து 74 சதவீத குழந்தைகள் இயல்பு நிலைக்குத் திரும்பியுள்ளதாக சமூக நலத் துறை தெரிவித்துள்ளது.

- 

சென்னை, மே 22: கடுமையான ஊட்டச்சத்து குறைபாட்டில் இருந்து 74 சதவீத குழந்தைகள் இயல்பு நிலைக்குத் திரும்பியுள்ளதாக சமூக நலத் துறை தெரிவித்துள்ளது.

‘சமூக நலன் மற்றும் மகளிர் உரிமைத் துறையின் சார்பில் ‘ஊட்டச்சத்தை உறுதி செய்’ திட்டம் 2022-இல் தொடங்கப்பட்டது. ஆறு வயதுக்குட்பட்ட குழந்தைகளுக்கு வளமான, நலமான எதிர்காலத்தை உருவாக்கவும், அவர்களின் ஆரோக்கியத்தைக் கருத்தில் கொண்டும் திட்டத்தைத் தொடங்குவதாக அந்தத் துறை அறிவித்தது.

நீலகிரி மாவட்டத்தில் முதல்வர் மு.க.ஸ்டாலின் தொடங்கி வைத்த இந்தத் திட்டம், மூன்று ஆண்டுகளை நிறைவு செய்துள்ளது.