மாவட்ட புத்தகக் காட்சிகளில் ரூ.69 கோடிக்கு புத்தகங்கள் விற்பனை

சென்னை, நவ.19: சென்னை புத்தகக் காட்சி போன்று அனைத்து மாவட்டங்களிலும் கடந்த இரு ஆண்டுகளில் நடைபெற்ற புத்தகக் காட்சிகளுக்கு மொத்தம் 86.44 லட்சம் வாசகர்கள் வருகை தந்தனர். அதன் மூலம் ரூ.69.20 கோடிக்கு புத்தகங்கள் விற்பனை செய்யப்பட்டுள்ளன என பள்ளிக் கல்வித் துறை அமைச்சர் அன்பில் மகேஸ் பொய்யாமொழி தெரிவித்தார்.

- 

பொது நூலக இயக்ககம் சார்பில் 'நூலகத் தந்தை' என போற்றப்படும் டாக்டர் எஸ். ஆர். அரங்கநாதன் விருது வழங்கும் விழா சென்னையில் செவ்வாய்க்கிழமை நடைபெற்றது. இதில் அமைச்சர் அன்பில் மகேஸ் கலந்து கொண்டு 39 சிறந்த நூலகர்களுக்கு டாக்டர் எஸ்.ஆர். அரங்கநாதன் விருதும், 29 நபர்களுக்கு மாநில அளவில் அதிக உறுப்பினர் சேர்த்தல் (2023-2024), அதிக புரவலர்கள் சேர்த்தல், அதிக நன்கொடை சேர்த்தல் மற்றும் சிறப்பாக செயல்பட்ட நூலக ஆர்வலர்களுக்கு கேடயம் மற்றும் நற்சான்றிதழ்களை வழங்கினார்.