தென்கொரிய பிரதமருடன் ஜெய்சங்கர் சந்திப்பு: இரு தரப்பு உறவு குறித்து ஆலோசனை

தென்கொரியா சென்றுள்ள வெளியுறவுத் துறை அமைச்சா் எஸ்.ஜெய்சங்கா் அந் நாட்டு பிரதமா் ஹன் டக்-சூவை செவ்வாய்க்கிழமை சந்தித்து இருதரப்பு உறவை மேலும் வலுப்படுத்துவது குறித்து ஆலோசனை மேற்கொண்டாா்.

தென்கொரியா மற்றும் ஜப்பான் நாடுகளுக்கு 4 நாள் பயணம் மேற்கொண்டுள்ள ஜெய்சங்கா், செவ்வாய்க்கிழமை தென்கொரியா சென்றாா். அங்கு புதன்கிழமை நடைபெறவிருக்கும் 10-ஆவது இந்திய-தென்கொரிய கூட்டு குழு கூட்டத்தில் அந் நாட்டு வெளியுறவு அமைச்சா் சூ டே-யுல்லுடன் பங்கேற்கிறாா். முன்னதாக, தென்கொரிய பிரதமா் ஹன் டக்-சூவை ஜெய்சங்கா் சந்தித்தாா்.