எய்ம்ஸ் கட்டுமானப் பணிகள் நிகழாண்டு இறுதியில் தொடங்கும்

2024- ஆம் ஆண்டு இறுதியில் மதுரை எய்ம்ஸ் மருத்துவமனை கட்டுமானப் பணிகள் தொடங்கும் என மக்கள் நல்வாழ்வுத்துறை அமைச்சா் மா. சுப்பிரமணியன் கூறினாா்.

நாகை அருகே ஒரத்தூரில் அரசு மருத்துவக் கல்லூரி மருத்துவமனை ரூ. 254.80 கோடியில் 3.44 லட்சம் சதுரஅடி பரப்பளவில் கட்டப்பட்டுள்ளது. மருத்துவமனையின் தரைத்தளத்தில் விபத்து மற்றும் அவசர சிகிச்சை பிரிவு, முதல் தளத்தில் புறநோயாளிகள் பிரிவு, இரண்டாம் தளத்தில் மகப்பேறு பிரிவு, மூன்றாம் தளத்தில் பொது மருத்துவ சிகிச்சை, நான்காம் தளத்தில் பொது அறுவை சிகிச்சை பிரிவு, ஐந்து மற்றும் ஆறாம் தளத்தில் பத்து அறுவை சிகிச்சை அரங்குகள் அமைக்கப்பட்டுள்ளன.