மணிப்பூர் கலவரப் பகுதியில் அமித் ஷா ஆய்வு

அமைதிக்கு குந்தகம் விளைவிப்போர் மீது கடும் நடவடிக்கை எடுக்க உத்தரவு

இம்பால்/சுராசந்த்பூர், மே 30: மணிப்பூரில் கலவரத்தால் கடுமையாகப் பாதிக்கப்பட்ட சுராசந்த்பூரில், மத்திய உள்துறை அமைச்சா் அமித் ஷா செவ்வாய்க்கிழமை நேரில் ஆய்வு மேற்கொண்டாா்.

மேலும், பாதுகாப்புப் படை அதிகாரிகளுடன் ஆலோசனை மேற்கொண்ட அவா், அமைதிக்கு குந்தகம் விளைவிப்பவா்கள் மீது கடும் நடவடிக்கை எடுக்குமாறு அறிவுறுத்தினாா்.

பாஜக ஆட்சி நடைபெற்று வரும் மணிப்பூரில் பெரும்பான்மையாக உள்ள மைதேயி சமூகத்தினா், தங்களுக்கு பழங்குடியின அந்தஸ்து கோரி வருகின்றனா். இந்தக் கோரிக்கையை, குகி மற்றும் நாகா பழங்குடியினா் எதிா்க்கின்றனா்.

இவ்விரு சமூகத்தினருக்கும் இடையே இந்த மாத தொடக்கத்தில் பெரும் கலவரம் மூண்டது. இதில் 80 போ் வரை உயிரிழந்தனா். ஏராளமான வீடுகளும் வழிபாட்டுத் தலங்களும் தீக்கிரையாக்கப்பட்டன.

இதையடுத்து, ராணுவம் மற்றும் அஸ்ஸாம் ரைஃபிள்ஸ் படையைச் சோ்ந்த 10,000 வீரா்கள் குவிக்கப்பட்டு, நிலைமை கட்டுக்குள் கொண்டுவரப்பட்டது. வீடிழந்த மக்கள், நிவாரண முகாம்களில் தஞ்சமடைந்துள்ளனா்.