பாகிஸ்தானுடன் பேச்சு இல்லை

அமித் ஷா திட்டவட்டம்

காஷ்மீர் விவகாரம் தொடர்பாக பாகிஸ்தானுடன் இந்தியா பேச்சுவார்த்தை நடத்தாது என்று மத்திய உள்துறை அமைச்சர் அமித் ஷா திட்ட வட்டமாக தெரிவித்துள்ளார்.

ஜம்மு-காஷ்மீரின் சிறப்பு அந்தஸ்து ரத்து செய்யப்பட்டபின்னர், காஷ்மீர் பள்ளத்தாக்கில் முதல்முறையாக அமைச்சர் அமித் ஷா பொதுக் கூட்டத்தில் பங்கேற்றார். அங்குள்ள பாரமுல்லா பகுதியில் புதன்கிழமை நடைபெற்ற கூட்டத் தில் அவர் பேசியதாவது:

கடந்த 1990-ஆம் ஆண்டுகளில் இருந்து ஜம்மு-காஷ்மீரில் 42,000 உயிர்களைப் பயங்கரவாதம் பலி வாங்கியுள்ளது. இதற்கு ஜம்மு-காஷ்மீரில் ஆட்சி புரிந்த 3 குடும்பங்கள்தான் (அப்துல்லா முப்தி, நேரு-காந்தி குடும்பத்தினர் பொறுப்பு.

ஜம்மு-காஷ்மீரில் ஆட்சிபுரிந்தவர் கள் காஷ்மீர் விவகாரம் தொடர்பாக பாகிஸ்தானுடன் பேச்சுவார்த்தை நடத்த வேண்டும் என்று கூறுகின்றனர். ஆனால் பாகிஸ்தானுடன் பேச்சுவார்த்தை நடத்த வேண்டாம் என்பதில் நான் தெளிவாக உள்ளேன். அதற்குப் பதிலாக, காஷ்மீர் இளைஞர்களுடன் நான் பேசுவேன்.

பயங்கரவாதிகள் காண்பித்த பாதை யில் நாம் செல்ல வேண்டியதில்லை. பயங்கரவாதத்தை மத்திய அரசு பொறுத் துக் கொள்ளாது. அதனை ஒழிக்க வேண் டும் என்பதே மத்திய அரசின் விருப்பம்.