இலங்கை: 4 அமைச்சர்கள் நியமனம்

ஜி.எல்.பெரிஸுக்கு மீண்டும் வெளியுறவு அமைச்சர் பதவி

கொழும்பு, மே 14:

இலங்கையில் புதிய பிரதமராக பொறுப்பேற்றுள்ள ரணில் விக்ரமசிங்க, தனது அமைச்சரவையில் 4 அமைச்சர்களை சனிக்கிழமை நியமித்தார்.

நாட்டின் பொருளாதாரத்தை மறுகட்டமைக்கும் முயற்சியில்கவனம் செலுத்தும் வகையில், அரசை முழுமையாக அமைக்கும் நடவடிக்கையை ரணில் மேற்கொண்டு வருகிறார். அந்த வகையில், முதல் கட்டமாக தனது அமைச்சரவையில் 4 அமைச்சர்களை அவர் சனிக்கிழமை நியமித்தார்.

அதன்படி, தினேஷ் குணவர் தன பொதுநிர்வாகத் துறை அமைச்சராகவும், ஜி.எல்.பெரிஸ் வெளியுறவுத்துறை அமைச்சராகவும், பிரசன்ன ரணதுங்க ஊரக வளர்ச்சி மற்றும் வீட்டுவசதித் துறை அமைச்சராகவும், காஞ்சன விஜசேகர மின்சாரம் மற்றும் எரிசக்தித் துறை அமைச்சராகவும் நியமிக்கப்பட்டுள்ளதாக அங்கிருந்து வெளியாகும் 'டெய்லி மிரர்' என்ற இணைய செய்தி வலைதளம் செய்தி வெளியிட்டுள்ளது.

இவர்களில் ஜி.எல்.பெரிஸ் முந்தைய மகிந்த ராஜபட்ச தலைமையிலான அமைச்சரவையிலும் வெளியுறவு அமைச்சராக இருந்த வராவார்.

ரணில் அமைச்சரவையில் 20 அல்லது அதற்கும் குறைவான எண்ணிக்கையிலேயே அமைச்சர்கள் இடம்பெற வாய்ப்புள்ளதாக அரசு வட்டாரங்கள் தெரிவித்ததாகவும் அந்த செய்தியில் தெரிவிக்கப்பட்டுள்ளது.

ரணிலுக்கு ஆதரவளிக்க

ஆளும் கட்சி முடிவு இலங்கையில் புதிய பிரதமராக பொறுப்பேற்றுள்ள ரணில் விக்ரமசிங்கவுக்கு நாடாளுமன்றத்தில் பெரும்பான்மையை நிரூபிப்பதற்கு ஆதரவளிக்க ஆளும் இலங்கை பொதுஜன பெரமுனா (எஸ்எல்பிபி) கட்சிதீர்மானித்துள்ளது.