காஷ்மீர் பிரச்சினையில் தேவை பேச்சுவார்த்தையல்ல, எல்லை பாதுகாப்பு...

அழகு ஒன்றின் மீதே யாவருக்கும் கண். அது மண்ணாகினும் பெண்ணாகினும். இந்தியா மீது பாகிஸ்தான் பகை கொள்வதற்கு கவர்ச்சி மிகுந்த 'காஷ்மீர் பள்ளத்தாக்கை கைப்பற்ற விரும்புவதே காரணம். .எப்படியோ கடந்த 15 நாட்களுக்கும் மேலாக நீடித்த பதற்றம் சமாதான உடன்படிக்கையால் தணிந்தது. இருநாடுகளும் போரை நிறுத்தியுள்ள நிலையில், 'காஷ்மீர் பிரச்சினைக்கு மத்தியஸ்தம் செய்ய தயார்” என அமெரிக்க அதிபர் டொனால்ட் டிரம்ப் தெரிவித்துள்ளார்.

- 

இந்த வரலாற்று மற்றும் வீரமிக்க முடிவை எட்ட அமெரிக்கா உங்களுக்கு உதவ முடிந்தது என்பதில் நான் பெருமைப்படுகிறேன்” என்றும் அவர் கூறினார்.

ஆனால், செய்தியாளர் சந்திப்பில் சண்டை நிறுத்தத்தை அறிவித்த இந்திய வெளியுறவு செயலாளர் விக்ரம் மிஸ்ரி, "பாகிஸ்தான் ராணுவ செயல்பாடுகளின் இயக்குநர் ஜெனரல் (டிஜிஎம்ஓ) இன்று பிற்பகல் 3:35 மணிக்கு இந்திய ராணுவ செயல்பாடுகளின் இயக்குநர் ஜெனரலை அழைத்தார். நிலம், வான் மற்றும் கடலில் இரு தரப்பினரும் இன்று இந்திய நேரப்படி மாலை 5 மணி முதல் அனைத்து துப்பாக்கிச் சூடு மற்றும் ராணுவ நடவடிக்கைகளை நிறுத்த ஒப்புக்கொண்டனர். இந்த புரிதலுக்கு ஏற்ப செயல்பட இரு தரப்பிலும் அறிவுறுத்தல்கள் வழங்கப்பட்டுள்ளன" என்று கூறினார். ஆக தானாக பனம்பழம் விழ, குருவி உட்கார விழுந்ததாக அமெரிக்கா கதை கட்டியதே பெரிய ராஜ தந்திரம்.

அதற்கும் காரணம் அவரது பேச்சிலேயே வெளிப்படுகிறது. 'இந்த இரண்டு பெரிய நாடுகளுடனும் வர்த்தகத்தை கணிசமாக அதிகரிக்கப் போகிறேன்.” என்று அவர் கூறியுள்ளார்.