తమ్ముడి కోసం అన్న తాపత్రయం

తమ్ముడిని కేసుల నుండి తప్పించడానికి ఎమ్మెల్యే మహిపాల్ రెడ్డి మల్లగుల్లాలు

• అక్రమాల సూపర్ స్టార్ గూడెం మధుసూదన్ రెడ్డి..

• చక్రపురి కాలనీ లేఔట్ లో కూడా అక్రమాలు..

• వందల కోట్ల విలువైన భూములను కొట్టేసిన వైనం..

• 5035 గజాల ప్లాటును సృష్టించిన కేటుగాడు..

• సంతోష్ గ్రానైట్స్ మైనింగ్ కంపెనీ తనదే అని చెప్పిన బీఆర్ఎస్

• ఎమ్మెల్యే మహిపాల్ రెడ్డి ఎమ్మెల్యే అరెస్ట్ ను అడ్డుకుంటున్న పెద్దమనిషి ఎవరు..? 

• అమీన్పూర్లో భూ దందాలను ఎందుకు ఉపేక్షిస్తున్నారు..?

• సీఎం రేవంత్ రెడ్డి దృష్టిసారించాలంటున్న స్థానికులు

హైదరాబాద్ 27 మార్చి (ఆదాబ్ హైదరాబాద్): లే అవుట్స్ మారిపోతాయి.. ఖాళీ భూములు మాయమైపోతాయి.. చట్టాలు సైతం తలొంచుతాయి.. అధికారులు మడుగులొత్తుతారు.. చెప్పిందే వేదం..చేసిందే చట్టం.. కోట్ల రూపాయల అక్రమార్జన.. ఇవన్నీ సాధ్యమేనా..? అని సామాన్యుడు అనుమానం వ్యక్తం చేయవచ్చు.. నమ్మలేకపోవచ్చు.. కానీ అసాధ్యాన్ని కూడా సుసాధ్యం చేసేస్తుంది అధికారం.. నిజానికి అధికారం అన్నది సామాన్యుడి బాగుకోసం వినియోగించాలి.. కానీ అధికారం అనే పదానికి అర్ధమే మార్చేశారు కొందరు రాజకీయ ముష్కరులు.. అధికారం అంటే దోచుకోవడం.. అధికారం అంటే దాచుకోవడం.. కోర్టులను తప్పుదోవ పట్టించడం.. చట్టాలను అవహేళన చేయడం.. సామాన్యులను సర్వనాశనం చేయడం.. ఇదే ట్రెండ్ ప్రస్తుతం నడుస్తోంది.. సమ సమాజం కన్నీరు పాలవుతోంది.. దుర్మార్గులదే రాజ్యం అవుతోంది..