મુવી-ટીવી

થિયેટર કરતો હોઉં ત્યારે વિદેશી ફિલ્મોને પણ ના પાડી દઉં: મકરંદ દેશપાંડે ‘રજાકાર’ ફિલ્મમાં ખલનાયક નિઝામનો રોલ કરનારા મરાઠી રંગભૂમિ અને હિન્દી ફિલ્મોના જાણીતા અભિનેતા મકરંદ દેશપાંડેએ ‘અભિયાન' સાથે ખાસ વાતચીત કરી હતી. તેમણે હિન્દી ઉપરાંત કન્નડ, મલયાલમ, તમિલ અને મરાઠીમાં ફિલ્મો કરી છે. ‘સરફરોશ', ‘સ્વદેશ’, ‘બુઢ્ઢા... હોગા તેરા બાપ' અને ‘ડરના જરૂરી હૈ' તેમની જાણીતી ફિલ્મો છે.

- પાર્થ દવે

રંગભૂમિ અને ફિલ્મોના જાણીતા અભિનેતા મકરંદ દેશપાંડેનો એક્સક્લુઝિવ ઇન્ટરવ્યૂ

નિઝામનું પાત્ર ભજવવું મારે માટે પડકારજનક હતું

મકરંદ દેશપાંડેએ નિઝામ તરીકેનું પાત્ર ભજવવાના પોતાના અનુભવને યાદ કરતા કહ્યું હતું કે, ‘નિઝામનું પાત્ર ભજવવું મારે માટે પડકારજનક હતું. સામાન્ય રીતે દરેક અભિનેતા કોઈ પણ પાત્રને પોતાની રીતે વિચારવિમર્શ કરીને ભજવતો હોય છે, પરંતુ નિઝામના પાત્ર બાબતે હું મારી પોતાની રીતે કંઈ વિચારી શકું એમ નહોતો, કારણ કે તે ઐતિહાસિક પાત્ર હતું. તે કંજૂસ પણ હતો અને દુનિયાનો સૌથી અમીર વ્યક્તિ પણ હતો. તેના પોતાના ઘણા કારોબાર હતા, તો બીજી તરફ તે સ્થાપત્ય કળાનો પણ જાણકાર હતો. આટલો શિક્ષિત માણસ આટલો કઈ રીતે હોઈ શકે? એ જ મોટો સવાલ છે, પણ મને લાગે છે કે જ્યારે ધર્મની બાબત આવે છે ત્યારે તે પોતે લીધેલું શિક્ષણને બાજુ પર મૂકી દે છે.

પહેલી વખત આ ફિલ્મ જોઈ ત્યારે હું પોતે ચોંકી ગયેલો!